الحلقة ال 21

2709 Words

#الفتي_الشرير #الحلقة_ال21 _____________ * قبل ما ابداء الحلقة الجديده فى كام حاجه محتاج اوضحها كويس علشان فى اكتر من حد انتقدني اليومين اللى فاتوا فاستحملونى شويه انا مش مطلع البطل فى القصه دى خارق ولا حاجه من الكلام ده ابدا اللى هيركز فى الاحداث كويس هتلاقوه ضعيف جدا بس ذكى شويه يعنى مثلا فى بداية القصه ماكانش عارف يعمل علاقه مع اى واحده وفى مشكلته مع ياسمين ماقدرش يواجهها وانهار وحبس نفسه لولا ابوه وابن عمه هما اللى ساعدوه ... ولما الفلوس جاتله .. جاتله فى وقت كان ابتدى يحس فيه بقوته فا اتحول بالشكل اللى انتوا شايفينه ده يعنى خليكم مكانه واحد ماكانش فيه بنت بتحبه وفقير وضعيف فجاه فى كام يوم اتحول لواحد وسيم ومعاه فلوس ماتتعدش مفيش عقل هيصدق التطور ده واكيد هيتغير بالطريقه دى .. وبعدين الناس اللى بتقول ان انا مطلع البطل خارق ومفيش مشكله بتقف قصاده .. المشاكل اللى عدت عليه كانت ايه بالظبط .. عمه اللى حطله م**رات اللى نفعوا فى الموضوع ده الكاميرات اللى كان مركبها فى البيت بالصدفه علشان يراقب الفلوس مش اكتر وبعدين لو ركزتوا هتلاقوا ان اللى ساعده فى الموضوع سيف ورجالته يعنى مش هو .. يعنى بطل الحكايه دى سيف مش هو سيف هو اللى جاب البلطجيه وهو برضه اللى وصل مهيب بمنصور راجح مهيب كل اللى عمله انه دفع فلوس مش اكتر .. تانى حاجه مشكلة دكتور الجامعه كام واحد اتخانق مع دكتور فى الجامعه ووصل الحال انه ض*ب الدكتور وبرضه الدكتور معرفش يعمل حاجه لان اللى ض*به ده مسنود نيجى بقى ل مهيب هو كل اللى عمله انه اتخانق مع الدكتور وراح جرى بسرعه للبلطجى اللى بعته ليه سيف علشان يخلصله الموضوع ده يعنى برضه مهيب كل اللى عمله انه دفع فلوس وخلاص .. ومشكلة خيرى النجار وابنه فى كام واحده بتتعرض لتحرش من الشباب وفى منهم اللى بتعرف تاخد حقها يعنى البطل فى الحكايه دى هدير مش مهيب لكن اللى نفع مهيب فى المشكله دى معرفته بخيرى النجار وشغله مع منصور راجح ده غير الورق اللى اخده من البلطجى اللى تبع سيف .. فين بقى بطولة مهيب فى كل ده .. بالع** ده مجرد واحد بيمشى مشاكله بالفلوس يعنى لو مش معاه فلوس كان هيضيع من اول مشكله .. والناس اللى مستغربة من اخلاص مهيب لفاتن وبتقول ان لاى انسان شهوه ومفيش اخلاص كامل .. انا معاك فى كلامك ان مفيش اخلاص كامل بس ارجع واقولك ان كام واحد حب واحده واخلصلها بجد تحت اى ظرف .. وبعدين فين الستات اللى تستحق ان مهيب يضعف قصادها مفيش غير اميره اللى هو عارف علاقتها بخاله كويس وعارف ان ممكن يكون خاله هو اللى زاققها عليه وهو عاوز يحافظ على شكله قدام الناس مش عاوز يبقى ضعيف تانى حاجه الشهوه مش ج*س بس فى اللى شهوته فى الفلوس وفى اللى شهوته فى الج*س وفى اللى شهوته فى السيطره على الناس وحاجات كتير غير ده شرحها يطول انا بقى اخترت ش**ة البطل فى السيطره على الناس ودى حريتى فى القصه بتاعتى و ده غير اللى بيقول انى مطلع البطل خارق وكل الناس بتعمله حساب وعيلته اللى بتسمع كلامه من غير نقاش ده انا بينته فى حوار اميره مع خال البطل ممكن ترجعوا للحوار وتفهموه كويس .. ومين اللى مبهور بالبطل غير اصحابه فى الجامعه ودول مجرد عيال مش شايفين الصوره كامله كل اللى شايفينه صاحبهم اللى الدكتور معرفش يقف قصاده ومساعد وزير الداخليه اللى ماقدرش عليه وتعالوا بينا للواقع انتوا لو شوفتوا اى حد فى موقف خيرى النجار و مهيب مش هتنبهروا بيه ولا ايه والحلقه دي هتوضح شويه الضعف اللى فى شخصية البطل * كده انا وضحت وجهة نظرى وعلى فكره انا مش زعلان من نقد حد بالع** انا زعلان ان اللى بينقد مش بيدى نفسه فرصه يفهم الاحداث كويس علشان ينقدها .. دلوقتى انا هسالكم سؤال محدد انتوا حابين انى اكمل القصه زى ماهى فى دماغى ولا بعد ما انهى الحلقة دى لان دي اخر حلقة ف المرحلة الاولي من الرواية انشر حلقة واحده اقفل فيها القصه والم فيه الاحداث وصدقونى انا هقبل اجابتكم مهما كانت .. وشكرا واسف انى طولت عليكم فى المقدمه * نرجع بقى للقصه * وبعد ماقفلت مع مى قمت افتح الباب وبعد مافتحت لقيت قدامى خيرى النجار ومعاه الجاردات بتوعه انا : خيرى باشا .. اتفضل خيرى زقنى جوه الشقه : انا هعرفك مقامك كويس واحد من الرجاله : يافندم الناس كده ممكن تتلم خيرى : اخرجوا كلكوا بره واقفلوا الباب ومحدش يدخل ولا يخرج من العماره وبعد مادخل خيرى قفل الباب وراه خيرى : انا تعمل فيا كده انا : انا كنت بدافع على شرفى ياباشا خيرى : انا جيت احذرك واقولك تبعد عنى لانى مش عاوز ازعل منك اكتر من كده انا : طب اقعد ياباشا نتفاهم خيرى : اللهم ماطولك ياروح انا : اقعد ياباشا وانا هفهمك كل حاجه وساعتها هتعذرنى وقعد خيرى النجار واتفاهمت معاه وبعد كده قام وقف وبعلو صوته قال : لم نفسك وابعد عن طريقى علشان مفيش غيرك اللى هيزعل وماتفتكرش بشوية الورق الاهبل اللى معاك ده انت كده هتخوفنى لا فوق انت بتكلم خيرى النجار يعنى لسه ماتخلقش اللى يقف قصاده مش هيجى على اخر الزمن حتة عيل زيك ويقف قصادى انا لو عاوز امحيك فى ثانيه هعمل كده بس هسيبك دلوقتى بس قبل ما امشى عاوز اقولك خاف على ابوك واخواتك ولا فاتن حبيبة القلب كلكم تحت عينى واقدر ازعلك عليهم كلهم فى لحظه .. ومشى خيرى النجار من عندى * من ناحيه تانيه عند ابراهيم فى الشقه قاعد هو واسامه مع بعض ابراهيم : تفتكر اللى احنا بنعمله ده صح ولا غلط اسامه : اهى محاوله وياتصيب ياتخيب ابراهيم : انت ضامن البنت دى اسامه : اه ضامنها وبعدين ان اعرفها من زمان ابراهيم : ولما انت ضامنها كده ليه مادخلتهاش شلة الجامعه من الاول اسامه : اول مادخلنا الجامعه كنا متخانقين مع بعض ومش بنكلم بعض لكن اتصالحنا من فتره ابراهيم : اتخانقتوا ليه يعنى اسامه : كانت عاوزانى اتجوزها ابراهيم : وفيها ايه يعنى ما البنت حلوه ومن عيله اسامه : عيلة ايه ياعم ابراهيم دى **** ده نص اصحابى علي علاقة بيها وهى كانت فاكره انى ما عرفش ابراهيم : قولتلى .. طب ماتجيبها نقضيلنا ساعتين ونعرف هى عملت ايه فى الموضوع اسامه : ماتقلقش انا كلمتها وهتيجى وجايبه معاها واحده صاحبتها وهنعيش الليله .. بس اهم حاجه جهز انت القعده ابراهيم : ماتخافش فى عندى حشيش وبيره جوه وكل حاجه تمام .. بس انت كلمهم شوف وصلوا فين بعدها بساعه وصل البنتين ودخلوا وقعدوا مع بعض اسامه : جرى ايه يابت اتاخرتى كده ليه البنت : على ماعرفت اخلع من ابويا اسامه : المهم عملتى ايه فى الموضوع البنت : ولا حاجه من ساعة ماقعدت معاه فى الكافتريا زى ماقولتلى من ساعتها معرفش عنه حاجه وبكلمه مره يرد وعشره مايردش اسامه : جرى ايه ياسلمى يعنى هتغلبى مع مهيب ولا ايه سلمى : مش هغلب ولا حاجه بس كل حاجه لازم تاخد وقتها بس فى حاجه مهمه عرفتها وانا قاعده معاه مش عارفه اذا كنت انت عارفها ولا لا اسامه : حاجة ايه سلمى : مهيب معاه شركة استيراد وتصدير بره مصر بس فين معرفش وابن عمه كلمه فى التليفون وقاله انه محتاج فلوس للشغل فاتصل باللى ماسك الشركه علشان يبعتله الفلوس اللى محتاجها بس المبلغ كان كبير ويخض اسامه : كام المبلغ سلمى : 10 مليون دولار اسامه : انتى بتقولى كام سلمى : زى مابقولك كده وقال للمحامى لازم المبلغ يكون معاه قبل نهاية الاسبوع علشان شغله مايوقفش والمحامى قاله حاضر .. ده بيطلب المبلغ كانه عايز باكو لبان اسامه : لما بيطلب المبلغ ده كله بالسهوله دى امال هو معاه كام .. المبلغ ده فى حد ذاته ثروه ابراهيم : علشان كده بقولك ابعد عن مهيب وماتخليهوش يقلب عليك لانه ساعتها ممكن يزعلك اسامه : مش هبعد عنه ولازم ينوبنى من الحب جانب البنت اللى مع سلمى واسمها الاء : بمناسبه الحب احنا هنقضيها رغى طول الليل على صاحبكم ده ولا ايه ابراهيم : رغى ايه يامزه ... قوموا اجهزوا انتوا الاتنين على مانجهز القعده الاء : 10 دقايق واجهز يلا ياسلمى وقامت سلمى والاء يجهزوا ابراهيم : ماتلم الدور ياصاحبى احنا مش عاوزين نزعل مهيب مننا الراجل ماشوفناش منه حاجه وحشه اسامه : انا بس عاوز اعرف هو بيشتغل ايه وجايب الفلوس دى كلها من فين ابراهيم : وهتستفاد ايه لما تدور وراه اسامه : اهو الواحد يطلعله بمصلحه ولا حاجه ابراهيم : لو عاوز تفتح مشروع قوله يمكن يعجبه ويشاركك ولا حاجه اسامه : تفتكر هيوافق ابراهيم : جرب مش هتخسر حاجه جرس الباب رن اسامه :هو انت مستنى حد يابراهيم ابراهيم : ده تلاقيه الدليفرى اللى طلبته اسامه : طب قوم افتح الباب .. وقام ابراهيم فتح وكان الدليفرى وحاسبه واخد الاكل .. ودخل بعد كده اتعشوا كلهم وشربوا سجارتين حشيش وشغلوا موسيقى وقامت سلمى والاء يرقصوا وبعد شويه البنات اخدوا شاور ومشيوا وسابوا ابراهيم واسامه مع بعض ابراهيم : هتمشى ولا هتبات معايا اسامه : لا مش هقدر امشى هبات هنا ابراهيم : المهم انت هتعمل ايه مع مهيب اسامه : لسه مش عارف سيبنى افكر فى الموضوع كويس ابراهيم : انت حر شوف اللى يريحك .. انا داخل انام يلا تصبح على خير *وكنا دخلنا فى جو الامتحانات ومارضيتش اقول لحد على زيارة خيرى علشان مابانش قدام اى حد انى اتهزيت او خوفت وعملنا معسكر عندى فى الشقه انا واسامه وعمر ومصطفى وابراهيم علشان نذاكر مع بعض ... وكان مصطفى ومى اتفقوا على كل حاجه واول ماتبدا الاجازه هيتقدملها .. وطول فترة الامتحانات مابنعملش حاجه غير اننا بنذاكر او لما نتخنق ننزل نقعد شويه فى الكافيه وعدت الامتحانات ونزلنا كلنا كل واحد راح بلده وبعد مانزلنا بكام يوم مصطفى جالنا الاقصر هو واخوه واتقدموا لمى ووالدها وافق واتفقو انهم هيعملوا حفلة خطوبه فى اجازة الصيف لكن دلوقتى يدوب لبسوا دبل بس وعملوه حفله صغيره يدوب اللى حضر فيها مصطفى واخوه وعمهم ونزل اسامه وعمر وابراهيم حضروا الحفله وكمان اسماء وياسمين ومنه وهدير وفاتن حضروا وعدت الليله بتاعتهم على خير * بعد مارجعت البيت محمد جانى محمد : هنعمل ايه بكره الاجتماع انا : ماتخافش انا مجهز كل حاجه محمد : ابوك وابويا كل شويه بيحاولو يقررونى وانا مش عارف اعمل معاهم ايه انا : سيبك منهم بكره فى الاجتماع هيفهموا كل حاجه محمد : يعنى مش هتقولى هتعمل ايه انا : يابنى مانت عارف كل حاجه مش لازم التفاصيل محمد : زى ماتحب انا : احنا كدا طلعنا كل الفلوس اللى كانت فى البيت عاوزك بعد الاجتماع تخلص بقى باقى الارض اللى قولتلك عليها وحاول توفر على الاقل 150 مليون دولار منهم محمد : ماتخافش انا خلصت كل الاراضى مش فاضل غير ادفع الفلوس واعمل ال*قود وهوفر اكتر من 200 مليون دولار انا : كدا تمام ... عملت ايه فى تامين الاجتماع محمد : احنا استلمنا القاعه من اسبوع وامنتها بنفسى حتى اللى هيخدم على الاجتماع جبتهم من عندى بره الفندق والجاردات بتوعنا فى كل حته جوه وبره الفندق انا : كده تمام ... عاوزك بكره من الصبح تكون هناك وتاخد معاك طارق اخويا وتطمنوا على كل حاجه ... وانا هاجى العصر قبل الاجتماع على طول محمد : ماتخافش انا حاجز اوضه فى الفندق وهبات هناك النهارده انا : طب يلا روح علشان الوقت اتاخر * ومشى محمد من عندى وانا قعدت راجعت الكلام اللى هقوله فى الاجتماع وجهزت البدله اللى هلبسها وبعد كده نمت وتانى يوم بعد ماصليت الجمعه اتغديت وجهزت نفسى وكان معايا ابويا وعمى وخالى وطقم الحراسه واتحركنا فى موكب كبير بس انا كنت فى عربيه لحدى مع السواق والجارد وابويا وعمى وخالى كانوا فى عربيه تانيه معاهم السواق واخويا طارق مع محمد فى الفندق وطول الطريق عمال افكر ياترى اللى هعمله ده صح ولا غلط بس ارجع واقول خلاص مامنهاش رجوع خلاص بدات الطريق ومش هينفع ارجع خلاص وانا فى الطريق محمد كلمنى وقالى ان كل المعازيم وصلوا ومستنيين فى القاعه وكنت خلاص داخل على الفندق ووصلت ورحبت بكل الموجودين وقعدوا كلهم على الطرابيزات وكان فى طربيزتين مرفوعين عن مستوى الارض واحده عليها خمس كراسى قعد عليها ابويا وعمى وخالى وجوز خالتى وطارق اخويا والطرابيزه التانيه قعدت عليها انا ومحمد والطرابيزات كلها عليها مايكات وشاورت لمحمد علشان يبدأ الاجتماع محمد : اهلا بيكم النهارده فى ضيافة عيلة صقر انا : اهلا بيكم انتوا عيلتى واهلى وسندى فى الدنيا ... اهلا بيكم فى اليوم اللى هتتغير فيه حياتكم وحياة اولادكم واحفادكم ... النهارده انتوا فى مفترق طريق ... كل اللى فات حاجه واللى هيجى حاجه تانيه خالص ... من النهارده عيلة صقر هتبقى اكبر عيله فى البلد .. ايوه احنا عيله كبيره بس متفرقين كل واحد همه نفسه وبس ... لكن خلاص جيه الوقت اللى تبقوا فيه عيله واحده قوتنا هتبقى فى لمتنا ... وكل ماهنخاف على بعض اكتر كل مابقى صعب اى حد يقف قدامنا مين فيكم هينضم ليا فى عيلة اولاد صقر .. بس قبل ماحد فيكم يرد لازم يكون مسؤول عن قراره انا مش هغصب حد فيكم على اى حاجه ... وقبل ماتاخدو اى قرار لازم تبقوا عارفين ان اللى هينضملى هيبقى مسؤول منى مسؤوليه كامله يعنى انا حمايته وكل اللى هيلزمه مسؤول منى وان اللى هياخد قرار انه مش معايا انا هرفع ايدى من عليه ولاليه عندى حمايه ولا اى حاجه وهعتبره غريب عن عنى حتى لو كان اخويا واحد مسك المايك ووقف وقال : كلامك حلو بس مش فاهمين ننضملك ازاى وهنعمل ايه بالظبط انا : ده سؤال كويس ... هتنضموا ازاى .. اللى هيوافق ينضم هياخد استمارة عضويه من محمد وهيمضيها وهيستلم كارنيه عضويه والاستماره دى محدش هياخدها غير اللى اكبر من 18 سنه سواء كانوا اولاد او بنات او ستات .. بالنسبه للبنات والستات لازم يكون ابوها او جوزها من عيلة صقر لكن غير كده لا .. اما بالنسبه للى اقل من 18 سنه هنعمل ليهم قاعدة بيانات لوحدهم وهيبقى ليهم تعامل خاص وبعد ماهيتموا 18 سنه هيتعملهم عضويه .. وبموجب الاستماره دى هيبقى كل اولادكم وبناتكم ملزومين منى يعنى تعليمهم وصحتهم ووظيفتهم انا مسؤل عنها مسؤليه كامله وكمان ليهم منى مرتب شهرى لحد مايتوظفوا ... اما بالنسبه الل خلصوا تعليمهم ومش لاقيين شغل فهما برضه مسؤلين منى لحد ما اوظفهم بطريقتى الراجل رد عليا تانى : بس الكلام ده محتاج فلوس كتير انا : محدش طلب منكم فلوس ... الفلوس دى اسهل حاجه الراجل : اصل الحدايه مابتحدفش كتاكيت ومفيش حد يعمل ده كله من غير مايكون ليه غرض انا : اكيد ليا غرض الراجل : ايه غرضك انا : غرضى ان اسم عيلة صقر يعيش ويكبر وتبقوا اكبر عيله فى البلد الراجل : وهتعمل ده ازاى انا : هفتحلكم مشاريع فى كل حته فى البلد من اسوان لاسكندريه وكل واحد فيكم هيبقى مسؤول عن مشروع وهيبقى مديره قصاد نسبه من الارباح بس لازم المسؤول عن المشروع يبقى من عيلة صقر يعنى مايبقاش غريب الراجل: انا معاك انا وعيالى واحد تانى : وانا كمان معاك واحد تالت : وانا كمان .. وهكذا فى ناس كتير وافقت معادا واحد كبير كده وقف وقال : مابقاش غير حتة عيل هيحكمنا انا مش معاك والكلام ده مايلزمنيش انا : انت حر وانا مش هض*بك على ايدك علشان تبقى معايا ودلوقتى تقدر تتفضل تمشى وتسيب القاعه وشاورت ناحية الباب .. اتفضل اطلع بره علشان ماتعطلش الاجتماع الراجل بصلى : انت بتطردنى انا : الاجتماع ده لعيلة صقر ومش مسموح لاى غريب يبقى وسطينا الراجل : بس انا اكبر واحد فيكم سنا يعنى انا احق ابقى الكبير انا : الموضوع مش بالسن .. الموضوع بالرضا تقدر تعمل لنفسك عيله واللى عاوز ينضملك مع الف سلامه وانا مش هزعل من حد الراجل : يلا بينا ياخوانا من اجتماع العيال ده نص العيله تقريبا وقفوا معاه ومعجبهمش كلامى ومافضلش غير الشباب وكام واحد من الكبار .. بص للباقى الراجل : يعنى هتسيبوا حتة عيل يتحكم فيكم .. محدش رد عليه ولا كانه بيتكلم انا : انت كده اخدت اكتر من وقتك تقدر تمشى قبل ما ازعل منك وساعتها مش هتستحمل وشى التانى ... وشاورت للجارد وخرجهم بره هو واللى وقف معاه من العيله ..ورجعت بصيت للناس تانى انا : فى حد تانى معترض وعاوز يمشى كلهم قالوا بصوت عالى : لا احنا معاك انا : تمام كده ... من النهارده انتوا رجالتى ومسؤولين منى وقدامكم لاخر الاسبوع كل واحد هيجيب الورق اللى هيقولكم عليه محمد علشان نحدد هنمشى ازاى الفتره اللى جايه واعملوا حسابكم كلكم معزومين على كتب كتابى انا ومحمد يوم الجمعه اللى جايه واتفقنا على كل حاجه هتحصل وكمان اتفقنا على انهم هيسلمونى عيالهم اول ما المبانى تجهز واتقنا ان الولاد اجازتهم كل يوم خميس هياخدو الخميس مع اهاليهم وهيرجعوا يوم الجمعه من كل اسبوع ده فى الدراسه لكن فى اجازة الصيف ليهم شهر اجازه ... اما بالنسبه للبنات هيتعملهم معسكر كل يوم جمعه من الساعه 8 الصبح للساعه 8 بالليل وخلص اليوم واتعشينا كلنا مع بعض وبعد كده كل واحد رجع بيته وانا رجعت على بيت العيله وطبعا الستات كلهم موجودين عايزين يفهموا ايه حكاية الاجتماع وطبعا ابويا وعمى وخالى وجوز خالتى عارفين اللى حصل فى الاجتماع بس مش فاهمين حاجه واضطروا يعدوا الليله وبعد كده يفهموا لما نرجع وانا كنت مجهز الكلام اللى هقوله ليهم واول ماوصلنا قعدنا كلنا #يتبع

Free reading for new users

Scan code to download app

App Store Google Play

Facebookexpand_more