الحلقة ال _ 20

2813 Words

#نكمل * من ناحيه تانى بين بسنت ووسام وسام : ايه ده .. مش دى خطيبة مهيب اللى داخله معاه دى بسنت : ايه ده ... دى هى ... دى جات امتى دى وسام : دى شكلها هنا من امبارح بسنت : انا قولت من الاول ان ده يوم مش معدى *نرجع عندى انا دخلت على الجامعه اللى بيفطروا وسلمت عليهم وعرفتهم على فاتن ومحمد وفطرنا مع بعض وبعد الفطار طلعنا على الشط زى كل يوم ابراهيم ومصطفى وعمر نزلوا البحر واحنا قعدنا على الشط .. واسامه قال انه تعبان شويه وهيطلع الاوضه ينام شويه اسماء : عامله ايه يافاتن وحشتينى فاتن : وانتى كمان وحشتينى اسماء : جيتى امتى فاتن : جيت امبارح بعد نص الليل اسماء : جيتى صدفه ولا بسبب اللى حصل امبارح. فاتن : لا جيت علشان اللى حصل ... هدير كلمتنا ماقدرناش نقعد فى البلد علشان كده ركبنا اول طياره وجينا اسماء : الحمد لله مشكله وعدت فاتن : طول ما مهيب عصبى بالطريقه دى المشاكل مش هتخلص وهعيش طول عمرى فى قلق عليه امانى : ليه بتقولى كده فاتن : من اقل من شهر عمل مشكلة الدكتور فى الجامعه و امبارح مشكله الواد اللى اتض*ب ده غير مشاكله عندنا فى البلد ده غير اكيد فى مشاكل انا مش عارفها امانى : هو كده مهيب مابيرتاحش غير فى وسط المشاكل هدير : والله عندك حق انا : بلاش انتى بالذات تتكلمى لان مشكلة امبارح بسببك هدير : قولولى يا اخوانا انا غلطت فى ايه واحد غلط وانا عرفته غلطه ايه اللى يزعل فى كده مى : ده انتى مسحتى بكرامة اهله الارض محمد : يستاهل اللى يجراله .. وياريت تقفلوا على الموضوع ده علشان ما اروحش اض*به بالنار انا : والنبى اسكت كفايه اللى حصل فيه ده بعد اللى عملته خطيبتك الواد مش هيعرف بمشى فى الشارع محمد : احسن يستاهل فاتن : ممكن يا مهيب تيجى معايا انا : عاوزه تروحى فين فاتن : عاوزه اتمشى معاك شويه انا : يلا بينا .. عن ازنكم يجماعه ... واخدت فاتن ومشينا محمد : يعنى انا ماليش نفس .. يلا بينا ياهدير نتمشى احنا كمان هدير : يلا ياسيدى ... عن ازنكم يابنات ... واخدت محمد ومشيوا مع بعض امانى : انا قولت من اول ماشوفتها ان الرحله خلاص قلبت اسماء : طب اهدى ووطى صوتك احسن وسام ولا بسنت يسمعوكى امانى : طب تعالى نتمشى شويه اسماء : طب تعالى ... وقاموا مشيوا مع بعض بسنت : انا مخنوقه من القعده هنا يلا بينا نمشى رجلينا شويه وسام : يلا بينا .. تعالى معانا يامى نتمشى شويه مى : لا زوحوا انتو انا مع روايه عاوزه اقرأها وسام : طب تمام ... يلا بينا يابسنت * بين امانى واسماء اسماء : ايه فى مالك امانى : يعنى مش شايفه اللى حصل اسماء : ايه اللى حصل ... واحده وعاوزه تتمشى مع خطيبها لوحدهم ايه الغريب فى كده امانى : ماهم كانوا قاعدين معانا اسماء : جايز عايزه تقوله حاجه بينها وبينه امانى : اهو جينا للكلام اللى يفور الدم اسماء : ايه يا امانى انتى نسيتى نفسك ولا ايه .. على فكره مهيب يبقى خطيبها هى مش خطيبك انتى يعنى فوقى كده وامسكى نفسك علشان لو فاتن لاحظت حاجه هتخرب الدنيا امانى : اعمل ايه انا مش عارفه اتحكم فى اعصابى اسماء : حاولى احنا مش عاوزين مشاكل هنا * بين وسام وبسنت بسنت : قال ايه طول م مهيب عصبى مش هيبطل يعمل مشاكل وهعيش طول عمرى قلقانه عليه وسام : وفيها ايه واحده وبتحب خطيبها انتى دخلك ايه بسنت : انا الرحله قفلت بالنسبالى انا بفكر ارجع القاهره وسام : طب اهدى كده ولمى الدور واحنا كلها تلات ايام فاضله وهنرجع الحكايه مش ناقصه مشاكل بسنت : طول ما انا شايفه فاتن قدامى دمى هيتحرق وسام : استحملى وهى كلها يومين وهترجع بلدها بسنت : يارب عدى اليومين دول على خير *بين محمد وهدير هدير : مهيب مش ناوى يعقل ويلم الدور شويه محمد : ليه هو عمل ايه تانى هدير : هيكون عمل ايه اكتر من مشكلة امبارح محمد : وهو عمل كده بسبب مين مش بسببك انتى هدير : انا عارفه انه بسببى .. بس مهيب بيخبط فى ناس كبيره يعنى كان ممكن الموضوع يخلص بان واد عا** بنت وتتلم الدنيا .. ايه اللى يخليه يدخل فى تحدى مع خيرى النجار ويقلب الدنيا بالشكل ده محمد : اموت واعرف هو عمل كده ازاى هدير : يعنى عاوز تقنعنى ان مهيب ماقالكش محمد : وحياتك عند ماقالى حاجه هدير : مسيره هيقولك ... بس انا عاوزاك تعقله شويه بدل ماهو طايح كده ومحدش عارف يلمه محمد : اى اوامر تانيه ياهانم هدير : لا كفايه عليك كده اول ماهفتكر حاجه تانيه هقولك محمد : يعنى انا لو ض*بتك بالجزمه دلوقتى هيبقى كويس هدير : اهون عليك ياسطا محمد : ايه ياسطا دى انتى بتكلمى السواق اللى جايبهولك ابوكى هدير : اه صحيح بمناسبة العربيه محمد : مالها العربيه هدير : ايه رائيك تبدل عربيتى بعربيتك محمد : اشمعنا دى عربيتك احدث من عربيتى هدير : بس انا حابه عربيتك اكتر محمد : حاضر خديها بس فهمينى ليه هدير : عادى بحب اى حاجه بتاعتك وفيها ريحتك محمد : طب ماتجيبى بوسه هدير : يعنى لما اعمل فيك زى ماعملت فى الواد امبارح هيبقى شكلك حلو محمد : لا خلينى ساكت مش ناقص فضايح بين الناس هدير : ايوه كده ياحبيبى اتلم محمد اخد هدير فى حضنه من ناحية قلبه وبقى يتمشى بيها على الشط والناس باصين عليهم ومستغربين وفى واحد قال ياض مش دى البنت اللى ض*بت باسم النجار امبارح لما عا**ها .. صاحبه رد عليه وقاله ياعم اسكت لتيجى تلطشك انت كمان محمد : يخرب بيتك فاضحانا فى كل حته سامعه الواد بيقول عليكى ايه هدير : يعنى انت تكره ان مراتك بتعرف تدافع عن نفسها محمد : بس انا بقيت اخاف منك هدير : عيب عليك والله ... انا عمرى ماهمد ايدى عليك محمد : هو ايه الزمن المعكوس ده ... زمان الواحده كانت تقول لجوزها انا عمرى مارفع صوتى عليك .. دلوقتى بقيت انا عمرى ماهمد ايدى عليك .. ايه العبط اللى بيحصل هدير : اعمل ايه يعنى ابويا اللى خلانى اتعلم كاراتيه من صغرى .. كان عاوزنى اتعلم ادافع عن نفسى وكان بيعاملنى على انى ولد لان امى بعد ماخلف*نى قعدت فتره ماتخلفش لحد ماخلفت محمود اخويا وفرق بينا 10 سنين وبعدها بقى يعاملنى على انى بنت بس بعد ايه كنت خلاص حبيت دور الواد محمد : هههه خلاص خليكى فى دور الواد وانا هطول شعرى واحط مكياج واقلب بنت هدير : تصدق شكلك هيبقى مزه لوقلبت وخصوصا انك ابيض وملامحك حلوه ساعتها هتبقى مطمع محمد : طب لمى الدور بدل ما اد*كى بالجزمه ومش هيهمنى لا كاراتيه ولا ناس هدير : خلاص سكت * عندى انا وفاتن فاتن : مالك يا مهيب ساكت كده ليه انا : يعنى انتى مش عارفه فاتن : انا عارفه انى جيت من غير ازنك بس انا لما بعرف ان انت فى خطر عقلى بيقف عن التفكير وببقى عاوزه اطير واجيلك انا : لازم تتحكمى فى عقلك ماتبقيش كده فاتن : حاولت كتير ومش عارفه ... انا عاوزه ابقى جمبك وخلاص ومش هاممنى اى حاجه انا : يابنتى خلصى ثانوى وادخلى جامعه وبعدها نتجوز فاتن : وانا هعمل ايه بالجامعه ... شغل مش هشتغل يبقى لازمتها ايه انا : علشان لما عيالك يكبروا يلاقوا امهم متعلمه ومعاها شهاده فاتن : عادى نتجوز وادخل تجاره ولا حقوق انتساب واذاكر فى البيت واروح على الامتحان واهى شهاده وخلاص انا : انتى بايعه كل حاجه كده فاتن : انا مستعده ابيع حياتى كلها بس اعيش جمبك وفى حضنك هعوز ايه تانى من الدنيا غير انى اخلف اولاد منك انت واربيهم واعلمهم يطلعوا ذيك .. هحتاج ايه تانى .. انا مش عاوزه فلوس ولا عربيات ولا شهاده ولا اى حاجه .. انا محتاجه حاجه واحده بس ونفسى تحققهالى انا : محتاجه ايه وانا اجبلك اللى انتى عاوزاه تحت رجلك فاتن : عاوزه اعيش فى حضنك وماسيبكش لحظه واحده مش عاوزاك تسبنى ابدا .. انا اموت لو سبتنى لحظه واحده انا : اخدت فاتن فى حضنى جامد وكنا بعدنا شويه عن الناس وقولتلها : انا بحبك اووووى واوعدك فى اجازة الصيف نعمل فرحنا وبالمره تكون ڤلتنا جهزت وانتى تكونى فرشتيها على زوقك بس لازم ابوكى يوافق فاتن ضمتنى فى حضنها : انا بحبك قووووى يا مهيب ومالكش دعوه بابويا انا هتصرف معاه *من ناحيه تانيه بين امانى واسماء كانوا بيتمشوا وشافونى من بعيد امانى : بصى هناك كده اسماء : ابص فين امانى : مش ده مهيب واقف هناك وواخد فاتن فى حضنه اسماء : ايوه هو ... يلا بينا نمشى قبل ماياخد باله مننا امانى : استنى انا عاوزه اشوفهم اسماء : براحتك بس انا همشى * من ناحيه تانيه مى كانت قاعده ماسكه روايه بتقراها وطلع مصطفى من البحر مصطفى : ايه ده امال ا****عه راحوا فين مى : بيتمشوا مصطفى : وانتى ماروحتيش معاهم ليه مى : ابدا معايا روايه بقرائها مصطفى : طب تدايقى لو قعدت معاكى مى : لا ابدا اتفضل اقعد مصطفى : شكرا ... رواية ايه دى مى : رواية هيبتا مصطفى : روايه حلوه قرأت نصها فى القاهره قبل ماجى واجلت النص التانى بعد ما ارجع لان مش بحب اقرأ فى الدوشه ووسط الناس مى : ولا انا بس جبتها احتياطى لانى بسهر بالليل وبحب اقرأ قبل مانام مصطفى : ايه اخبار الكليه بتاعتك مى : ياعم بتفكرنى ليه بالهم ده انا عاوزه اريح اعصابى قبل مارجع للمفرمه تانى مصطفى : انا عارف ان دراستكم صعبه معايا صحابى كتير فى طب من عندى من البلد مى : من ناحية صعبه فهى صعبه بس ممتعه مصطفى : اول مره اشوف حد يقول على دراسة الطب انها ممتعه مى : طبعا ممتعه ... لما تعالج حد من غير ماتعرفه وتخفف المه تبقى ممتعه ولا لا ... بعد ماتخلص مع المريض وتسمعه بيدعيلك لما تخفف عنه المه تبقى ممتعه ولا لا ... لما تحس ان فى ناس كتير محتاجه مساعدتك تبقى ممتعه ولا لا .. لما تحس ان ربنا جعلك سبب فى انك تشفى بنى ادم مريض تبقى ممتعه ولا لا ... هى اه دراسه صعبه وتقيله وعايزه تحكم فى مخك وعواطفك واعصابك بس كل ده يهون قصاد دعوه واحده من ست قد والدتك عالجتها او اب عالجت ابنه ساعتها هتحس انك مالك الكون فى ايدك وساعتها هتنسى كل تعب الدراسه مصطفى : ايه يابنتى الكلام الكبير ده ده انتى ماطلعتيش دكتوره بس لا كمان طلعتى فيلسوفه كمان مى : انا بحب الفلسه جدا وخصوصا د*كارت مصطفى : شكلك كده مثقفه مى : مش اوووى بس بحب من وقت للتانى اقرأ اى حاجه بره الدراسه والمناهج مصطفى : طب حلو والله مى : انت بتعمل ايه فى حياتك غير الجامعه مصطفى : قبل ما ادخل الجامعه كنت بشتغل مع اخويا فى الارض بتاعتنا انا وهو .. لكن بعد ماجيت الجامعه مش بعمل اى حاجه غير انى اذاكر .. مش عاوز اشيل مواد وازعل اخويا منى مى : ليه هو والدك فين مصطفى : والدى ووالدتى اتوفوا وانا صغير حتى مافتكرش شكلهم غير من الصور .. واخويا هو اللى ربانى كان اكبر منى بعشر سنين اكتفى بالثانوى وبعد كده قرر يشتغل فى الارض بتاعتنا اللى ورثناها وانا لما كبرت شويه كنت بساعده على قد ماقدر بس هو دايما كان بيرفض مساعدتى ليه .. كان يقولى انا حرمت نفسى من التعليم علشان احافظ على الارض دى واحافظ عليك .. انا عاوزك تتعلم وتحقق اللى انا ماعرفتش احققه كل اللى انت محتاجه انا هوفرهولك بس مش عاوزك تخذلنى .. وانا من ساعتها اخدت عهد على نفسى انى هذاكر وانجح بس غصب عنى فى الثانوى نقصت عن مجموع الهندسه بدرجه واحده بس هو **م يدخلنى خاص وانا مش عاوز اخزله مى : انا اسفه لو بسؤالى ضايقتك وفكرتك بحاجات صعبه مصطفى : لا ابدا مفيش حاجه .. انا كده كده مش بنسى وبفكر نفسى كل شويه بالكلام ده علشان ما غلطش ومازعلش اخويا منى مى : ماتخافش اخوك بيحبك وعمره مايزعل منك .. ماقولتليش هو متجوز ولا لا مصطفى : اه متجوز بنت عمى ومعاه مصطفى ورقيه مى : ربنا يباركله * عند اسامه فى الاوضه ماسك تليفونه وبيكلم واحده اسامه : انتى فين ليه اتاخرتى كده الست : معلش بس جوزى لسه نازل هو والولاد دلوقتى ربع ساعه واكون عندك اسامه : طب انجزى بسرعه قبل اللى معايا فى الاوضه مايرجع الست : هو قدامه كتير اسامه : مش قبل ساعتين الست : طب اقفل انا هلبس واجى بسرعه اسامه : سلام بعدها بربع ساعه كانت عند اسامه فى الاوضه *اول ما دخلت الاوضه وقفلت الباب على طوول اخدتة بالحضن وبعد ساعة الست واسمها سوسن : من اول ماشوفتك فى البار وقولت عليك مش سهل اسامه : طب يلا امشى قبل ماحد من اللى معايا يرجع سوسن : طب هشوفك تانى امتى اسامه : هكلمك لو عرفت وكده كده اكيد هنتقابل فى القاهره سوسن : ضرورى اول مانرجع القاهره نتقابل انا ماشبعتش منك * واخدنا اليوم كله فى الفسح ونشترى هدايا وبالليل رجعنا الاوتيل * انا ومحمد فى الاوضه بتاعته محمد : ممكن تفهمنى اللى حصل امبارح ده ايه بالظبط انا حكيت لمحمد كل اللى حصل ماعدا شوية حاجات زى علاقة خيرى بمنصور راجح محمد : يابنى انت مش هتتهد بقى انا : سيبك منى وخلينا فى اختك محمد : مالها فاتن انا : حكيت لمحمد الموضوع اللى كلمتنى فيه بتاع جوازنا محمد : دى حياتكم وانتوا حرين فيها وبينى وبينك هى عندها حق كده كده مش هتشتغل يبقى اى شهاده وخلاص انا : بينى وبينك انا اول ماقالتلى الكلام ده فرحت بس مارضيتش ابينلها غير لما اقعد معاك محمد : خلاص ياعم اتجوزوا وانا كمان هلعب فى دماغ هدير ونتجوز مع بعض فى الاجازه وكده كده قبل الاجازه الڤلل هتكون خلصت انا : المهم فى الموضوع كله اهالينا هيرضوا بالكلام ده محمد : سيب الموضوع ده عليا انا : كده تمام ... قولى بقى عملت ايه فى الشغل اللى اتفقنا عليه محمد : تمام اشتريت الاراضى اللى قولتلى عليها فى اسوان والاقصر وقنا وبعد ماهنزل البلد هطلع على سوهاج وابتدى هناك انا : لحقت تعمل ده كله محمد : عيب عليك ياسطا انا صحابى من الجامعه فى كل محافظه وكلمتهم كلهم وهما اللى بيخلصوا كل حاجه انا يدوب بروح اخلص ال*قود بعد ما اتطمن ان كل حاجه تمام انا : طب كويس ... ايه اخبار الفلوس معاك محمد : لا لسه معايا فلوس تكفينى فى سوهاج وشويه من اسيوط بس اعمل حسابك لما نبدا فى اسيوط اكيد هحتاج فلوس انا : مايهمكش على ماتوصل اسيوط هكون انا نزلت البلد فى اجازة نص السنه ووقتها نسحب فلوس من اللى فى البيت محمد : كده كويس انا : عملت نسخ عقود زى ماقولتلك وبنفس النسب اللى اتفقنا عليها محمد : ايوه انا الربع وانت التلات اربع وعملت خمس نسخ عقود موثقه من كل حاجه انا نسخه والباقى جبته معايا فى الشنطه علشان تخليه معاك زى ما انت عاوز انا : طب تمام ...ايه اخبار الارض اللى شغالين فيها جمبنا محمد : كله تمام شغالين 24 ساعه فى اليوم وزودنا عمال علشان تخلص فى اجازة الصيف ... بس انا مش عارف ايه لازمة الاستعجال ده انا : مفيش وقت ... كل يوم بيعدى احنا اولى بيه .. عاوزك على مايخلص العمال تكون خلصت شراء الاراضى اللى محتاجينها وتراخيص المدرسه والاسلحه وكل حاجه انا هخلصها بنفسى وعاوزك كمان اول ماتنزل البلد تلفلى على العيله كلها فى الاقصر واى مكان لينا حد فيه من عيلتنا وتبلغهم ان فى اجتماع للعيله اول جمعه فى شهر فبراير بس اللى هيحضر الاجتماع ده الرجاله فوق 25 سنه محمد : اجتماع ايه ده انا : ده اهم اجتماع هيتعمل ... فى الاجتماع ده هنحدد مين معانا ويبقى تحت طوعنا محمد : تمام ... بس فى مشكله انا : خير مشكلة ايه محمد : احنا عيلتنا كبيره جدا ومفيش مكان هيقضى انا : مفيش مشكله ولا حاجه ... احجزلنا قاعه فى الوينتر بالاس واتفق معاهم يعملولنا بوفيه كامل وادفعلهم اللى هيحتاجوه محمد : كده تمام .. بس اللى هيسالنى الاجتماع ده ليه انا هرد عليه اقوله ايه انا : قولهم الاجتماع ده مهم لمستقبلكم ومستقبل اولادكم واكيد كل العيله عرفت بالعيال اللى احنا دخلناهم شرطه وحربيه ودفعنالهم فلوس الوسايط يعنى مجرد ماتقولهم مستقبل اولادكم هتلاقيهم كلهم موجودين قبل الاجتماع محمد : كده تمام انا : هات ال*قود بتاعت الارض اشيلها معايا قام محمد وادانى ال*قود ورجعت اوضتى علشان انام * من ناحيه تانيه بين هدير وفاتن ومى فى الاوضه هدير : ايه اللى انتى بتقوليه ده فاتن : ايه المشكله فى ان مش عاوزه اضيع اى لحظه تانيه بعيد عن مهيب مى : يابنتى انتى لسه صغيره على الجواز فاتن : ولا صغيره ولا حاجه اهالينا كلنا اتجوزوا كده هدير : بس زمان غير دلوقتى فاتن : وهيفرق ايه ... الناس دلوقتى بتتاخر فى الجواز غصب عنها بسبب الفلوس ولازم الواحد يشتغل علشان يكون نفسه ويقدر يتجوز لكن انا و مهيب حالتنا مختلفه فلوس ومش محتاجين ... البيت اللى هنتجوز فيه كلها كام شهر ويكون جاهز ايه تانى ناقص علشان نتجوز مى : ناقص تخلصى جامعه وتاخدى شهاده فاتن : هبقى ادخل حقوق ولا تجاره انتساب واروح على الامتحان ... وانا كده ولا كده مش هشتغل بالشهاده هدير : وليه ده كله ... كل ده علشان تتجوزى مهيب فاتن : وهى دى حاجه قليله ... انتى شايفاها حاجه ماتستحقش مى : طب مهيب قالك ايه فاتن : انا حاسه انه موافق بس قالى لازم ناخد رأى ابويا وعمى ومحمد فى الكلام ده هدير : كده عقدهالك لان ابوكى مش هيوافق بالكلام ده فاتن : انا هتصرف مع ابويا هدير : انتى حره واللى شايفاه صح اعمليه دى حياتك ________________ لحد هنا انتهت الحلقة ونتقابل فى الحلقة الجاية

Free reading for new users

Scan code to download app

App Store Google Play

Facebookexpand_more