الحلقة ال _ 12 #الحساب

3398 Words

#الفتي_الشرير #الحلقة_ال12 #الحساب ___________ وقفنا الحلقة اللى فاتت لما كنا فى الدرس وحصلت مشاده بينا انا : ساكتين ليه ماتكملوا كلام ولا بلعتوا ل**نكم .... دلوقتى مش عايزين تعرفونى ليه هو انا عملت ايه لده كله انطقوا ليه اتخرصتوا .... اقولكم انا عملت ايه ●انتى يامنه من سنتين لما وقعتى ورجلك ات**رت واحنا ماشين بعد الدرس وكنا لوحدنا اخدتك وجريت بيكى على المستشفى من غير تفكير وقعدتى شهر كامل ماتحضريش دروس والدنيا ملخبطه معاكى ومالكيش صاحبه غير مى ومى ماكانتش بتعرف تشرح كنت اجيلك البيت واذاكرلك الدروس اول باول وما اشتكيتش طول معرفتى بيكى السنتين اللى فاتوا كل ماتحتاجى حاجه كنتى بتقوليلى ●وانتى يا ياسمين هانم نسيتى لما جيتى هنا جديد ومفيش مدرس راضى يقبلك عنده ومنه حاولت تكلملك المدرسين ومفيش حد رضى بيكى وجيت انا ظبطلك كل دروسك والمستر يشهد وكنت بشرحلك اللى فاتك واذاكرلك دلوقتى بقيت شبهه ولا انتى مش ناسيه اللى حصل بينا ●وانت ياسى مصطفى ياللى بتقول بيجيلى تليفونات غريبه وبرد عليها بعيد عنك ياسيدى دى مكالمات شخصيه انت مالكش فيها ومش من حقك ولا من حق اى حد يعرف انا بكلم مين ولا بعمل ايه دى حياتى الشخصيه وانا حر فيها طالما بعيد عن الناس ●وانتى يامى انتى واسماء طلعتوا جدعان بجد بالرغم ان احنا طول عمرنا بنتخانق مع بعض بس وقفتوا فى ضهرى ● ودلوقتى ياحضرات بعد اذنك يامستر انا كنت جاى علشان اتفق مع المستر انى اخد دروس لوحدى علشان اعرف الم نفسى قبل الامتحانات لكن بعد اللى سمعته منكم لا المجموعه دى بتاعتى انا وانا اللى مجمعكم فيها يعنى اللى عايز يسيب المجموعه علشان انا موجود فيها يتفضل وانا هدفع مكانه لكن انا مش هسيب المجموعه وامشى المستر : اهدى يا مهيب واقعد ماحدش يقدر يمشيك اقعد كده وفهمنى ايه اللى حصلك انا : حاضر يامستر منه وياسمين قاموا علشان يمشوا المستر : اقعدوا انتوا الاتنين محدش هيمشى من المجموعه .. المجموعه هتفضل زى ماهى انتوا احسن مجموعه عندى ومش هسمح انكم تتفرقوا واى خلاف هنصلحه انتوا برضه اصحاب واخوات و مهيب مايقصدش الكلام اللى قاله هو بس مضغوط من اللى حصل ياسمين ومنه : حاضر يامستر المستر : وانت يا مهيب اهدى كده وفهمنا ايه اللى حصل بالظبط انا : مفيش يامستر واحد ابن حرام حطلى م**رات فى بيتى وبلغ عنى الشرطه المستر : طب ايه اللى خلاهم يقبضوا عليك انت هو مش بيتكم باسم ابوك انا : لا ده بيت جدى القديم وانا اول ما اتولدت علشان انا اول حفيد لجدى كتبلى الارض دى بالبيت اللى عليها باسمى المستر : طب انت خرجت ازاى ... مسكوه انا : لا يامستر محدش عرفه المستر : طب انت خرجت ازاى منها انا : تسجيل الكاميرات اللى فى البيت بينت ان فى واحد ملتم دخل البيت وحط الم**رات وخرج المستر : طب كويس ياسيدى مب**ك البراءه .... بس انت ايه اللى يخليك تركب كاميرات فى البيت انا : علشان البيت فى حته مقطوعه الى حد ما يعنى واحنا مش بنروح هناك خالص يعنى اى حد عايز يعمل اى حاجه ممكن يعملها زى ماحصل معايا المستر : طب طالما فى كاميرات ايه اللى خلاهم يقبضوا عليك ده كله انا : انا خرجت من تانى يوم على طول حتى مابيتش فى الحجز ابويا وعمى باتصالاتهم خلونى ابات فى اوضه من اوض الظباط المستر : طب ليه قافل تليفونك طول الفتره دى انا : معلش اصلى خرجت لقيت فى حالة وفاه عندنا واضطريت اقعد علشان الدفن والعزا والكلام ده حتى انا سايب اهلى فى البلد وجيت علشان الدروس المستر : خير مين مات انا : ده عم امى المستر: طب البقاء لله وعلى العموم حمد الله على السلامه انا : حياتك الباقيه المستر : ماتزعلش من منه وياسمين ومصطفى دول مهما كان اصحابك انا : ماتخافش يامستر انت عارفنى مش بزعل من حد المستر : هو ده مهيب اللى انا اعرفه ... يلا نبدا الدرس واشتغل الدرس وخلصنا واحنا خارجين خرجت اخر واحد ولقيت منه وياسمين ومى واسماء ومصطفى واقفين بره مستنينى طنشتهم ولسه هركب العربيه مصطفى نده عليا انا : خير يامصطفى فى ايه مصطفى : ماتزعلش منى يا مهيب انا : انا ولا زعلان منك ولا زعلان من غيرك مفيش حاجه انا بس تعبان شويه بقالى كام يوم فى العزا وماكنتش بنام كويس مصطفى : البقاء لله انا : حياتك الباقيه ... طب عن اذنك علشان تعبان وعايز اروح اسماء : ياعم بدل ماتروح تقعد لوحدك احنا كنا رايحين نقعد فى الكافيه تعالى معانا انا : معلش يا اسماء انا تعبان دلوقتى عاوز اروح اتغدى وانام شويه خليها مره تانيه اسماء : على العموم براحتك لو احتاجت حاجه كلمنى انا : اكيد طبعا ... يالا سلام وسبتهم ومشيت وانا فى الطريق للبيت تليفونى رن وكان سيف سيف : ايه ي مهيب احنا تحت البيت عندك انت فين انا : معلش ياسيف اتاخرت عليك استنانى دقيقتين واكون عندك ووصلت البيت وكان سيف والشيخ سعيد مستنيين ودخلتهم وقعدنا مع بعض سيف : خير يا مهيب موضوع ايه اللى عايزنا فيه انا والشيخ سعيد سيف : بص ياسيف انت اللى عرف*نى بالشيخ سعيد وانا ماينفعش اتخطاك ... انا دلوقتى اشتريت التلات بيوت بتوع اولاد الحاج سالم اللى غرب البلد سيف : يخرب بيتك انت عملت كده ازاى انا بقالى كتير عايز اشترى منهم البيوت دى وماعرفتش انا : عيب عليك ده سر المهنه وكمان اشتريت كام بيت كمان فى القرى اللى حوالينا سيف : وانت هتعمل ايه بده كله انا : انت عارف ان بيوت الحاج سالم مليانه بخير كتير تحتها وانه كان رافض موضوع الاثار ده وبقول حرام بس بعد مامات عياله باعولى وقبضوا اكتر من 3 اضعاف تمنه والبيوت التانيه نفس الكلام مليانه واصحابها مايعرفوش وانا دخلت عليهم بطريقتى واشتريتها سيف : ايه هى طريقتك دى فهمنى انا : انت ليك اكل ولا بحلقه المهم انى اشتريتها سيف : لا طبعا لازم اعرف كل حاجه قبل مانشتغل لازم كل حاجه تبقى واضحه قدمنا انا : بص ياسيدى انا لفيت فى القرى دى انا وعمك الشيخ صالح امام المسجد اقنعته انى عايز اشترى البيوت علشان اعملها مشاريع خيريه زى وحده صحيه او مشغل خياطه او مسجد وهكذا والراجل اقتنع ولف معايا وفهمته انه مايقولش لحد من اهلى حاجه لحد ما اخلص تجهيز الاماكن دى علشان نفتحها السنه اللى جايه والراجل فرح قوى بالخير ده وحلف انه مش هيجيب سيره لحد بالموضوع ده ولف معايا واشترينا البيوت سيف : يخرب عقلك انت ازاى عملت ده كله انا : انت قولتلى ان الفتره دى احسن فتره للشغل بتاعنا وانا قررت انى مش هفوت الفرصه دى انا عايز اخلص من البيوت دى فى اسرع وقت علشان هقفل على الموضوع ده ومش هشتغل فيه تانى سعيد : انا من اول مره قعدت معاك فيها وقولت انت دماغك مش ساهله وصعب تتعوض سيف : مش قولتلك ياشيخ سعيد ان مهيب ذكى وهينفعنا لا واقنع الناس ان هيعمل مشاريع خيريه يعنى سهل ندخل العمال ونشتغل من غير ماحد يكلمنا سعيد : عندك حق طب هنبدا امتى انا : الوقت اللى يريحكم بس فى كام حاجه لازم نتفق عليها الاول سعيد : خير يا مهيب انا : انا مش هقدر اقعد معاكم ساعة الحفر زى المره اللى فاتت انا كبيرى هشقر عليكم من وقت للتانى لانى ابويا هيسال انا بروح فين سيف : مفيش مشكله تعالى براحتك بس اهم حاجه انك تكون موجود ساعة البيع انا : مش مشكله ساهله ... تانى حاجه الفلوس هتتقسم ازاى سيف : زى المره اللى فاتت انا والشيخ سعيد التلت وانت التلتين انا : تمام .... بس نصيبى مش هستلمه هنا سيف : امال عايز تستلمه ازاى انا : يتحطلى فى حسابى فى اى بنك بره مصر سعيد : سهله انا : سهله ازاى بقى سعيد : اللى بيشترى الحاجه دى السفاره الفرنسيه نخليهم يفتحولك اكتر من حساب فى كذا بنك عندهم ويتحطلك فيه نصيبك اول باول ونربط حساباتك دى برقم موبايلك وايميلك بحيث انك تتابع حساباتك من وانت فى البيت بس هنضطر نكلم الراجل بتاعنا اللى فى السفاره علشان يخلصلك الموضوع ده انا : تمام كده اتفقنا ... ودى مفاتيح البيوت التلاته بتوع الحاج سالم اشتغلو فيهم مع بعض علشان تبقى بيعه واحده سيف : طب وباقى البيوت اللى بره البلد انا : لا دى خليها بعد مانخلص بيوت سالم سعيد : تمام احنا هنمشى دلوقتى واعمل حسابك على مليون دولار علشان نفتحلك بيه الحسابات اللى بره مصر كلها يومين واكلمك احددلك معاد مع الناس بتوع السفاره وموظفين البنوك انا : تمام ياشيخ سعيد ظبط وكلمنى ومشى سعيد وسيف من عندى وبعدها بكام يوم نزلتلهم البلد وخلصنا موضوع البنك وكانوا شغالين فى البيوت وقربوا يخلصوا اول بيت واتفقنا انهم يخلصوا ال 3 بيوت وبعد كده نبيع وبالفعل فى خلال شهر كانوا خلصوا والبيوت كانت بالمعنى الحرفى عايمه فى الاثار لدرجه انها جابت 6 مليار دولار انا اخدت اربعه وسعيد وسيف اخدوا اتنين وانا فلوسى اتحطت بره فى البنوك سيف : هنبدا فى البيوت التانيه امتى يا مهيب انا : اصبر شويه شهر كده ونبدا سيف : ليه شهر انا : ياعم اصبر بس فى كام حاجه فى دماغى عايز اعملهم سيف : حاجات ايه يا مهيب انا : حاجات مالهاش دعوه بشغلنا حاجات شخصيه سيف : على العموم براحتك اول ماتعوز تبدا بلغنى انا : اوك وسبت سيف ومشيت روحت البيت انا : بعد اذنك يا ابويا عايزك فى موضوع ابويا : خير يا مهيب فى ايه انا : عايزك تسافر معايا فى حاجه مهمه لازم اخلصها ابويا : هنسافر فين انا : هنسافر فرنسا بس علشان خاطرى ماتسالنيش هنسافر ليه لانى مش هقدر اقولك ليه وانا مش هقدر اسافر لوحدى ابويا : انا مش عارف يا مهيب انت عايز تعمل ايه فى نفسك بس مفيش قدامى غير انى اجى معاك لانى لو سبتك هتسافر من ورايا وساعتها انا ممكن اموت من الرعب عليك انا : ماتقلقش ياحج مافيش اى خطر ابويا : طالما مفيش خطر يبقى قولى احنا هنسافر ليه انا : هناك هقولك ابويا : طب هقول لامك ايه انا : احنا مش هنقول لحد حاجه انت هتقول انك معاك شغل فى اسكندريه زى كل مره وانا هقولك اجى معاك ونسافر نخلص مشوارنا اسبوع وهنرجع ابويا : طب وتاشيرات السفر انا : كل حاجه خلصانه هات جواز السفر بتاعك وكلها يومين ونستلم التاشيره ابويا : حاضر يا مهيب * وفعلا بعد اسبوع كنا سافرنا انا وابويا فرنسا وكنت متفق مع محامى سبقنا على هناك وفى خلال اسبوع هناك كنت روحت انا والمحامى البنك عملنا حسابات جديده فى البنوك وحولت فيها كل الفلوس اللى **بتها من الحسابات اللى عملهالى سعيد وظبطت الحسابات دى بحيث انى اشتغل عليها اون لاين واحول ليها او منها لانى ماكنتش مطمن لسيف وسعيد ولما ابويا سالنى احنا بنعمل ايه هنا .... انا كنت متفق مع المحامى ان احنا هنعمل شركة استيراد وتصدير هنا باسم ابويا بس المحامى اللى هيدير الشركه دى وهيشارك بنسبه وبالفعل خلصنا كل الاجراءات وعملنا الشركه انا : كده ياحج خلصنا كل حاجه ابويا : انا مش فاهم حاجه برده انا : ليه كده ياحج ابويا : ايه الل يخليك تفتح شركه فى فرنسا وتكتبها باسمى انا : علشان ابقى مطمن عليكم انت وامى واخواتى لو حصلى حاجه ماتحتاجوش حد بعدى ابويا : ليه بتقول كده يابنى انا : اصل ياحج بعد اللى حصل والقضيه اللى كنت هلبسها خلتنى اشك فى كل حاجه حواليا واحسبلها ابويا : بعد الشر عليك يابنى من كل اذى .... طب فى حاجه اخيره مش فاهمها انا : خير ياحج ابويا : ليه عملت الشركه هنا فى فرنسا مش فى مصر انا : انا كده كده هفتح مشاريع فى مصر بس شركه فرنسا دى للزمن افرض الدنيا غدرت بينا فى مصر مش لازم يبقى فى اختيار تانى نجرى عليه ابويا : انا كده فهمت .... طب هنقول للجماعه فى البلد انا : لا طبعا محدش هيعرف حاجه ابدا غيرى انا وانت والمحامى بس ده حتى محمد وفاتن مش هيعرفوا حاجه ابويا : ليه كده يا ابنى انا : اسمع منى بس انا عارف بقول ايه * وخلصنا موضوع فرنسا ورجعنا مصر وحورنا عليهم فى البلد حوارات كتير علشان ماكناش بنكلمهم فى التليفون واضطرينا نقولهم ان ابويا تعب ودخل المستشفى علشان كده ماكناش بنكلمهم وانا اصلا ابويا عنده القلب فصدقوا الموضوع بس بالعافيه وقابلت سيف واشتغل فى البيوت كل مايخلص بيت اقوله على البيت اللى بعده وفلوسى بتدخل الحسابات اللى فتحوهالى وانا كنت بحولها بعد كده للحسابات اللى عملتها وخلصنا كل البيوت بس كان فى بيتين فاضيين مافيش فيهم اى حاجه وكل ده كان فى شهرين ودلوقتى احنا فى اخر شهر يناير سيف : احنا كده خلصنا كل البيوت اللى انت اشتريتها هنعمل ايه تانى انا : خلاص مش هنعمل حاجه تانى انا قولتلك من الاول ان بعد ما اخلص البيوت دى هعتزل الشغلانه سيف : ياعم خساره اللى انت بتقوله ده انا : خسارة ايه ياعم انا معايا فلوس تكفينى انا وعشر اجيال بعدى .... ثم ان اخر بيتين دول كانو رساله ليا سيف : ازاى يعنى .... عادى ان احنا مانلاقيش حاجه فى بيت انا اشتغلت فى بيوت كتبر على الفاضى انا : لا دى رساله ليا بتقولى كفايه عليك اللى **به لحد دلوقتى سيف : على العموم زى ما تحب انا مش هغصب عليك فى حاجه ولو احتجت اى حاجه فى اى وقت كلمنى انا : ياعم من غير اى حاجه هو احنا مش اصحاب وبلديات مش لازم يبقى شغل سيف : اكيد طبعا بيتى مفتوحلك فى اى وقت انا : عارف طبعا .... وعلى العموم انت معزوم على خطوبة اخويا اول الشهر سيف : اكيد طبعا جاى بس ياريت مايحصلش زى ماحصل فى خطوبتك انا : هههههه عيب عليك ياسطا سيف : هى بالرغم من انها كانت لعبه بس قلبت علينا الدنيا وخلت ناس كتير تركز معاك انا : انا قصدت ان الناس تركز معايا سيف : ليه كده انا : اللى شاف اللى حصل فيا شاف اللى عملته فى اللي اذاني من غير مايتمسك عليا دليل واحد ودى رساله بوصلها لعيلتى والناس اللى حواليا واللى هضطر اتعامل معاه انى على قد ما انا طيب وبسامح بعرف ارجع حقى وانتقم من اللى ياذينى با اب*ع الطرق من غير ماحد يمسك عليا غلطه سيف : هى فكره تستاهل بس كانت ممكن تضيعك انا : اللى عملته ده اسمه كارت ارهاب ... كل الناس كانت متخيله ان انا حتة عيل صغير **ب قرشين ومابيفهمش ممكن نضحك عليه ومش هيعرف بعمل اى حاجه لكن باللى انا عملته ده هيخلى كل الناس تفكر كويس قبل ماتتعرضلى سيف : على العموم ربنا يكرمك فى حياتك اللى جايه ومبروك مقدما على الخطوبه وهدية الخطوبه هتوصل فى خلال ايام انا : ماشى ياسيدى نتقابل هناك * نروح القاهره فى الفتره اللى فاتت كان خالى خلص شقة انجى وظبط معاها ووقعها او بمعنى ادق هما الاتنين وقعوا بعض خالى : ايه يا انجى انتى فين انجى : انا لسه نازله من الشقه ربع ساعه واكون عندك خالى : طب يالا بسرعه انا مستنيكى وبالفعل بعد شويه كانت انجى وصلت لخالى فى الشقه اللى عاملها علشان المزاج خالى : ايه اللى اخرك كده انجى : اعملك ايه مش انت اللى فجاه اتصلت بيا وقولتلىتعالى .... انت بعد ماكلمتنى قومت جهزت واتحججت لساره باى كلام وجيتلك خالى : يعنى انا غلطان انى قولتلك تيجى ما انا كنت اقدر اجيباى واحده وكلهم يتمنوا بس ارن علبهم انجى : طبعا هما هيلاقو زيك فين شديد وعفى خالى : بالمناسبة مش هتدلعيني شويه ولا هنقضيها رغى على الفاضى انجى : من عينى وشغلت موسيقى رقص بلدى بعد شوية انجى : عارف ياسعد احنا ساكنين فى نفس العماره من خمس سنين مش عارفه ازاى سيبتك كل ده خالى : كله باوانه انجى : فى طلب عاوزاه منك خالى : خير انجى : انت تعرف اميره صاحبتى خالى : ايوه مالها انجى : عايزه تبقي معايا خالى : وماله انا سداد انجى : كده بسهوله خالى : ونصعبها على نفسنا ليه هى عاوزانى وانا موافق انجى : على رائيك... طب اجبهالك امتى خالى : خليها بعد ما ارجع من خطوبة بنتى انجى : طب ايه رائيك يبقي فى البلد عندك خالى : ازاى ده انجى : احنا كده كده رايحين عندكم البلد علشان نحضر الخطوبه خالى : ما انا عارف بس هناك صعب الناس مفتحه ومركزه مع كل حركه انجى : احنا نازلين فى فندق يبقى نظبطها مع بعض هناك خالى : انتى ماعرفتيش انجى : ايه حصل خالى : امبارح جوز اختى اللى يبقى ابو العريس لما عرف ان فى ضيوف جايين من القاهره وهينزلوا فى فندق حلف ان انتوا هتنزلوا فى بيت العيله وفضالكم شقه مخصوص ليكى انتى واميره وبناتكم انجى : ايه الفقر ده ده انا كنت عامله حسابى انى هتدلع معاكفى الاقصر خالى : خيرها فى غيرها .... يلا اجهزى علشان نمشى احنا اتاخرنا هنا انجى : طب نقعد شوية كمان خالى : لا يلا علشان معايا معاد مهم فى المكتب وانا مش بحب اتاخر على مواعيدى انجى : خلاص ماشى * بين نسمه وامنيه وساره نسمه : احسن حاجه عملها جوز عمتك ده انه هيخلينا نقعد عندكم فى بيت العيله ساره : اشمعنا يعنى ... بالع** انا كنت عايزه اقعد فى الفندق على الاقل الفندق فى المدينه وعلى النيل وقريب من المعابد امنيه : بيت العيله على النيل والجو هناك حلو واذا كان على المعابد والفسح خطيبى واخوه هيفسحونا لحد ماتزهقى ساره : بمناسبة خطيبك ده انا هموت واشوفه امنيه : كلها كام يوم وهتشوفيه نسمه : ازاى ماعندكيش ولا صوره ليه امنيه : اعملك ايه موبايلى اللى عليه الصور اتحرق وطارق ماعندوش فيسبوك ساره : دى حاجه غريبه كمان هو فى حد دلوقتى ماعندوش فيسبوك امنيه : اللى حصل بقى وكل ما اقوله اعمل فيسبوك يرفض ساره : مش مشكله كلها كام يوم واشوفه * وعدى اليومين وسافر خالى ومراته وعيالهم واميره وانجى وساره ونسمه البلد وكان ابويا وعمى فى استقبالهم وانا وطارق ومحمد ابن عمى كنا بنلف على الناس علشان نعزمهم على الخطوبه ونتمم اللى ناقص طارق : انجز يابنى انت وهو انا تعبت عوز اروح محمد : تعبت ولا العروسه وحشاك طارق : بصراحه واحشانى انا : ماتجمد ياض ماتبقاش مدلوق كده اتعلم منى انا ومحمد طارق : حوش ياواد التقل اللى انت فيه انت وهو بلاش اتكلم وخلينى ساكت محمد : قصدك ايه ياض يعنى احنا مدلوقين عليهم طارق : مدلوقين دى كلمه قليله واخلصوا بقا خلينا نروح انا : ماشى ياعم احنا ماقدمناش غير اتنين بس هنديلهم الدعوات ونرجع البيت وخلصنا المشاوير بتاعتنا ورجعنا البيت ولما روحنا كان موجود خالى وابويا وعمى وامى واخواتى ومرات خالى وابنها ومرات عمى دخلنا سلمنا عليهم وقعدنا وطارق م**وف يسال على امنيه انا : ايه يا اخوانا فين الضيوف اللى جايين من القاهره امى : الستات قالوا تعبانين وعايزين يناموا شويه وطلعوا ينامو لكن البنات فاتن اخدتهم عندها البيت لان البنات اللى مع امنيه قالوا عايزين يلفوا فى البلد شويه قبل الغدا وفاتن هتجبهم طارق بيهمهم فى سره : منك لله يافاتن الكلب امى : بتقول حاجه ياطارق طارق : لا مفيش انا طالع اخد شور واغير هدومى ابويا : طب اطلع يافالح بعد ما طلع اخويا طارق قعدت انا وخالى مع بعض وحدنا خالى : ازيك يا مهيب. انا : تمام ياخالى ايه اخبارك انت خالى : ماشى الحال انا : وايه اخبار نسوانك خالى : اتلم ياض لمرات خالك تسمعك تعملى مشكله انا : اموت واعرف بتلعب من وراها ده كله ازاى وما اتمسكتش ولامره خالى : اهو بسببك هتمسك دلوقتى انا : هههههههه ماشى هسكت وانا قاعد مع خالى تليفونى رن وكانت فاتن انا : ايوه ياقلبى فاتن : انت فين ياللى تتشك فى قلبك انا : عارفه ايه اكتر حاجه بحبها فيكى فاتن : ايه ياحبيبى انا : رومانسيتك العنيفه فاتن : علشان ماتقولش ان انا حارماك من حاجه انا : هو انا اقدر اشتكى منك ياقمر فاتن : ماتوهش فى الكلام انت فين انا : فى البيت فاتن : طب ممكن تيجيلى البيت انا : ليه ف ايه مش انتى جايه انتى واللى معاكى دلوقتى فاتن : ما انا عاوزاك علشان تاخدنا بالعربيه لان ا****عه تعبانين ومش قادرين يمشوا ومحمد اخويا مش هنا علشان ياخدنا بالعربيه واتصلت بيه تليفونه مقفول انا : ايوه محمد تليفونه فصل شحن ولسه معاه مشوار هيخلصه ويجى على هنا فاتن : طب انجز وتعالى انت انا : هو انتى كام واحده معاكى فاتن : هدير وامنيه واتنين صحاب امنيه انا : طب تمام ربع ساعه واكون عندك ... سلام خالى : ايه فى انا : بنتك وصحابها مش قادرين يجوا مشى هروح اجيبهم بالعربيه خالى : طب تمام روح هاتهم وانا هقعد مع عمك وابوك انا : طب سلام وسبت خالى وروحت بيت عمى وخبطت الباب وفاتن فتحتلى الباب انا : وحشتنى ياقمر فاتن : اتلم بدل ما المك انا : انا عايزك تلمينى فاتن : اهدى البنات جوه انا : طب اندهى عليهم علشان نمشى والا اقولك خليكى .... وناديت بصوت عالى على امنيه : ايه يا عروسه فينك وخرجت امنيه تجرى علشان تسلم عليا واخدتنى بالحضن امنيه : ازيك يا مهيب واحشنى والله انا : وانتى كمان واحشانى امنيه : كده ماتسالش عليا من بعد خطوبتك انا : معلش سامحينى بس كنت مشغول الفتره اللى فاتت امنيه : هعديهالك المره دى انت : طب ادخلى نادى اصحابك علشان نمشى وانا هنزل استناكم فى العربيه امنيه : طب تمام دقيقتين وهنحصلك وسبت فاتن وامنيه ونزلت استنيت جمب العربيه ومسكت الموبايل اقلب فيه شويه وسرحت وفوقت على صوت بنتين بيقوله : ايه ده مهيب ركزت وبصيت عليهم انا : ايه ده نسمه وساره ياترى ايه اللى هيحصل ده هنعرفه الحلقة اللى جاية

Free reading for new users

Scan code to download app

App Store Google Play

Facebookexpand_more