الحلقة ال _ 19

3044 Words

#الفتي_الشرير #الحلقة_ال 19 ___________ وقفنا الحلقة اللى فات على المشكله اللى حصلت وموضوع ابن خيرى النجار الساعه 11 بالليل كنا راجعين الاوتيل واحنا فى الريسبشن لقيناه ماليان جاردات وظباط شرطه ولقيت خيرى النجار قاعد وجمبه ابنه قاعد وانا واقف فى الريسبشن واصحابى حواليا وهدير ماسكه فى ايدى انا : كله يقف هنا محدش يجى معايا هدير : انت هتعمل ايه انا : سبينى اتصرف اسامه : طب اجى انا معاك انا علاقتى كويسه بيه ماتنساش انه صاحب ابويا انا : انا قولت كلمه واحده ومش هكررها وسبتهم وروحت لخيرى النجار وقعدت على الكرسى اللى قدامه وحطيت رجل على رجل وكله مندهش خيرى : انت بقى الجامد اللى ض*بت ابنى انا : لا مش انا دى بنت خالتى اللى ض*بته خلته يقول على نفسه انه مره ... فجاه خيرى اتعصب وقام والكل باصص خيرى : انا هود*ك ورا الشمس انت وبنت خالتك انا : خلى الناس اللى حوالينا تبعد ومعاهم ابنك علشان الكلام اللى هقولهولك ماينفعش اى حد يسمعه خيرى : وانت هتقول ايه انا : انا مستعد اقول الكلام قدام الكل بس انت اللى هتتاذى خيرى بصوت عالى : كله يبعد من حواليا وكل الرجاله بعدت بس باصين علينا من غير مايعرفوا يسمعوا حاجه من اللى بنقولها خيرى : ايه الكلام اللى انت عاوز تقوله انا : احنا مغلطناش فى ابنك ... ابنك هو اللى عا** بنت خالتى .. واحنا الشرف عندنا غالى قوووى خيرى : وبعدين انا : وبعدين عاوزك تبص بصه على الورق ده .. وخرجت تليفونى وفتحته على صور ورق والورق ده عباره ورق بيفيد ان خيرى بياخد رشاوى علشان يسهل تهريب الم**رات والسلاح للبلد والورق ده عباره عن تحويلات بنكيه لبنوك بره مصر فى حساب خيرى * فلاش باك الصبح لما سبت ا****عه وعملت تليفون شغلت الخط اللى كلمت من ناصر اللى خلص موضوع الدكتور واتصلت بيه ناصر : ازيك ياباشا انا : انا تمام ياناصر ... عايزك فى موضوع ناصر : انت تؤمر انا : انت تعرف خيرى النجار ناصر : هو فى حد مايعرفش مين خيرى النجار انا : انا بقى عايز اعرف اللى محدش يعرفه ناصر : يا باشا احنا نخدمك بعنينا انا : ياناصر انا هعمل معاك اتفاق قدامك 48 ساعه لو جبتلى حاجه تهد خيرى النجار ليك منى نص مليون ناصر : واقل من كده ياباشا قبل الليل مايليل هيكون عندك اللى انت عاوزه انا : مش بالساهل كده ياناصر ناصر : ياباشا خيرى النجار ده حبايبه كتير ومصايبه اكتر ولا انت فاكر العز اللى عايش فيه ده من مرتب الداخليه انا : خلاص ياناصر اول ماتوصل للى انا عاوزه كلمنى ناصر : ادينى كام ساعه وابعتلك اللى انت عاوزه انا : خلاص تمام وعايزك تحطه هو وعيلته كلها تحت عنيك مايغبوش عنك لحظه واحده وانا راجع القاهره يوم الجمعه هقابلك واحاسبك ناصر : تمام ياباشا انا : سلام ياناصر * عوده من الفلاش باك اول ماشاف الورق ده برق وقام مسكنى من لياقة القميص ورجالته اول مشافوا كده جريوا علينا و اصحابى واقفين خايفين خيرى : انا هدفنك صاحى علشان تعرف تهددنى انا : احسنلك تنزل ايدك وتبعد رجالتك علشان مانندمش كلنا وفجاه تليفونه رن ورد عليه خيرى : الوووو ... انت بتقول ايه ... انتوا مين .... وعاوزين ايه .... حاضر حاضر وبعد ماقفل بص على رجالته وقالهم : ابعدوا من هنا وبعد مامشيوا بصلى وقال : انا تحت امرك انا : انا فى الاول كنت هكتفى باللى حصل الصبح واقول عيل مش متربى وغلط واخد اللى يستحقه لكن بعد اللى انت عملته ده لازم يبقى فى عقاب تانى خيرى : انا تحت امرك بس كلم رجالتك يسيبوا مراتى وبنتى انا : مراتك وبنتك دول كانوا قرصة ليك علشان ماتتعداش حدودك معايا ... والورق اللى انت شوفته ده معايا اكتر منه وموزعه على ناس كتير ومفهمهم ان لو حصلى حاجه يدمروك بيه وهما مستنين منى الاوامر زى اللى اول ماشافك هنا معايا ادى اوامر باقتحام بيتك فى اللى بيراقبنى لو حصلى حاجه يتصرف .. ولا تحب افكرك بمنصور راجح الراجل بتاعك فى الاقصر .. على فكره لو كلمته هيقولك ان انا اللى خلصت موضوع حسين صقر وعياله يعنى احنا من الاخر ماينفعش نض*ب فى بعض لان كدا كلنا هنزعل خيرى : انت تعرف حسين صقر من فين انا : حسين ده يعتبر عمى وانت اكيد عارف ايه اللى حصله وممكن اعمل فيك زى ماعملت فيه هو وعياله احسنلك كده تعقل لاحسن ادمرك .. وانت شوفت بنفسك موضوع حسين خلص من غير ما حد يمسك عليا اى حاجه وانت بنفسك اللى قفلت الموضوع فى الداخليه ومن غير ماتعرف خلص ازاى خيرى : انا قولتلك تحت امرك انا : دلوقتى هتنادى على رجالتك وصحابى الواقفين هناك وابنك وهتض*ب ابنك بالقلم قدامهم وتتف عليه وتاخده وتنزل بيه القاهره وتعتذر لبنت خالتى اللى واقفه هناك دى خيرى : بس كده انا : انا مش عاوز اكتر من كده خيرى : حاضر ... ونده خيرى على الكل وض*ب ابنه بالقلم وتف عليه وقاله اطلع لم هدومك واعتذر لهدير واخد رجالته ومشى وفى الوقت ده كان كل الرحله اتجمعت بالمشرفين معاهم كام موظف من الفندق والكل بيض*ب كف على كف ومحدش فاهم حاجه وبعد مامشى خيرى ورجالته كل واحد راح لحاله انا حسيت انى مخنوق شويه طلعت قعدت على البسين شويه وهدير جات ورايا هدير : انت عملت ايه بالظبط يا مهيب انا : كل واحد عنده نقطة ضعف انا بقى دوست على النقطه دى هدير : انا خايفه عليك يا مهيب انا : ماتخافيش على ابن خالتك ولا خيرى ولا عشره زيه يقدروا يقفوا قصاد ابن خالتك هدير : انت ازاى بسرعه قدرت توصل لنقطة ضعفه انا : كله بالفلوس ... الفلوس تعمل المستحيل هدير : انا خايفه ليعملك حاجه انا : مايقدرش يعمل حاجه هدير : ايه اللى يضمنلك انا : اصلى انا فهمته ان حياتى قصاد حياته وانى لو حصلى حاجه هو هيروح فى ستين داهيه هدير : ازاى يعنى انا : لا دى بتاعتى انا ... يلا اطلعى اوضتك وانا شويه وهطلع انام وبعد ماسابتنى هدير قعدت شويه * من ناحيه تانيه بين اسامه ومصطفى وعمر وابراهيم فى الاوضه عند اسامه اسامه : ياخوانا حد يفهمنى مين مهيب وازاى بيعمل كل ده مصطفى : بصراحه انا بقيت هموت واعرف هو ازاى كده اسامه : انا اكتر واحد فيكم اعرف خيرى النجار بما انه صاحب ابويا ... خيرى النجار ده بتتهز قدامه اتخن شنبات فالبلد ده ابويا اللى اسمه صاحبه من صغرهم بيعمله الف حساب يجى حتة عيل زى كده ي**ر هيبة خيرى النجار بالسهوله دى ابراهيم : لا مش بسهوله مهيب ماسك حاجات عليه والحاجات دى شكلها توديه فى ستين داهيه عمر : برضه نرجع لنفس السؤال .. مهيب جاب الحاجات دى من فين وازاى بالسرعه دى مصطفى : فى حاجه كمان انتوا ماخدتوش بالكم منها اسامه : ايه تانى مصطفى : مهيب بعد ماف*ج خيرى على الحاجه اللى معاه على الموبايل خيرى قام عليه وكان هيقتله لكن فجاه جاله تليفون وتقريبا التليفون ده هو اللى خلاه يسلم اسامه : انت يعنى جبت التايهه ماحنا مش عارفين مهيب بيعمل ده كله ازاى إبراهيم: ياحضرات احب اقولكم ان احنا بنتعامل مع شخص غير عادى .. ده مش مجرد عيل من عيله غنيه ومعاه فلوس ده جبروت فى حد ذاته عمر : انت عندك حق فى كل كلامك يابراهيم اسامه : طب احنا هنعمل ايه دلوقتى مع مهيب عمر : ولا حاجه احنا نتعامل معاه عادى جدا ده مهما كان صاحبنا ابراهيم: عندك حق ياعمر.. بلا تصبحوا على خير انا رايح انام فى اوضتى * من ناحيه تانيه بين امانى واسماء امانى : ايه اللى بيحصل اسماء : لا تسالينى ايه حصل ولا ايه هيحصل لانى مش فاهمه حاجه ومش هتعب نفسى وافكر لانى ببساطه مهما فكرت مش هوصل لحاجه واقفلى على اى كلام عاوزه تقوليه لانك مش هتلاقى منى اى رد امانى : لا انا خلاص مش عاوزه اعرف اى حاجه لان اللى اتاكدت منه ان مهيب مابيقولش حاجه لحد * من ناحيه تانيه بين بسنت ووسام وسام : اموت واعرف مين مهيب بسنت : مهيب ده شخصيه غريبه عمرك ماهتلاقى زيها ولاحتى فى افلام الخيال العلمى وسام : طب موضوع الدكتور خالد قولنا ممكن يكون زق عليه شوية بلطجيه خوفوه ودى مقبوله الى حد ما .. لكن اللى حصل النهارده مع خيرى النجار وابنه ده تسميه ايه بسنت : ده اسميه هبل فى الجبل وسام : انتى بتهزرى بسنت : يعنى عاوزانى اقولك ايه ماكل حاجه حصلت قدامك وسام : ايوه كل حاجه حصلت قدامى بس مش فاهمه حصلت ازاى ... ولا هدير اللى ض*بت الواد باسم وخلته مسخرة الجامعه عملت كده ازاى بسنت : الظاهر كده احنا قدام عيله مش عاديه رجالتها بستاتها باطفالها وسام : تصدقى اول مره تقولى حاجه صح بسنت : امال انا ليه انا عاوزه انضم للعيله دى وسام : رجعنا للتخريف بتاعك ده تانى بسنت : اعمل ايه كل ما احاول ابعد تفكيرى عنه تحصل حاجه تبهرنى بيه وسام : انا مانكرش ان كل يوم انبهارى بيه بيزيد بسنت : انت شوفتى قال ايه لهدير على معا**ة التليفون وسام : لا قالها ايه بسنت : كان شاكك انها خطيبته وبتشتغله وسام : شكله كده بيخاف منها بسنت : بقى مهيب اللى شوفناه النهارده وهو بي**ر خيرى النجار يخاف من واحده وسام : الراجل مايخافش من واحده الا اذا كان بيعشقها مش بيحبها بس بسنت : ماتحاوليش تبعدينى عنه وسام : انا قصدى ماتعلقيش نفسك بحبال دايبه .. ويلا نامى * نرجع عندى انا كنت ممدد على الشيزلونج وباصص للسما وسرحان فجاه صوت واحده ندهت عليا ببص لقيتها منه منه : ازيك يا مهيب انا : تمام منه : ممكن اقعد معاك شويه انا : اتفضلى منه : انت كويس انا : تمام زى مانتى شايفه منه : بس اللى انا شايفاه ده واحد غريب عن مهيب اللى انا اعرفه انا : بدانا فى الكلام اللى كل شويه اسمعه من حد شكل منه : انت ليه بتعمل كده انا : بعمل ايه يعنى منه : انت جبت القوه والجبروت دول من فين انا : عاوزه تعرفى انا جبت القوه دى من فين حاضر هقولك انا جبتها من فين ... جبتها ياستى من حبى للناس ومساعدتى ليهم بس طلع ده كله على الفاضى وطلع كل اللى ساعدتهم كلاب ولا تسوى ... جبتها من كمية البنات اللى حبيتها ايام ماكنت تخين ومش معايا فلوس وكان الرد انت زى اخويا مع ان كلهم بعد ماتغيرت بقيوا مرميين تحت رجلى زى الكلاب واقذر من الكلاب .. جبتها من ياسمين اللى حبيتها ولما قولتلها هانتنى وبعد ماتغيرت شوفتى بنفسك حاولت معايا ازاى .. جبتها من يوم خطوبتى على البنت اللى حبيتها وان الدنيا ماكانتش عاوزانى افرح راح ناس ولاد حرام لبسونى تهمه وضيعوا عليا فرحتى ... جبتها من كلامك عليا انتى وياسمين بعد مشكلة القبض عليا فى الدرس ولا انتى ناسيه اللى قولتيه ... الدنيا دى مابتقفش مع الضعيف ... الدنيا دى عاوزه القوى وانا قررت ابقى قوى واقوى من ماتتخيلوا ه**ر هيبة اى حد يقف قصادى هخلى الدنيا دى تركع تحت رجلى مش هيهمنى حد ولا هتهمنى مشاعر .. مش هيهمنى نظرة الناس ليا .. كل اللى يهمنى انى اشوف فى عنيهم نظرة انبهار مصحوبه بخوف .. خوف من ان حد فيهم يقربلى ... خوف من اى حد فيهم يفكر انه يقف قصادى ... لازم الناس تعيش خايفه .. لانهم لو اتطمنوا ساعتها هيفكروا ومش بعيد حد فيهم يقف قصادى وده اللى مش هسمح بيه منه : انت مش مهيب اللى انا حبيته انا : ههههههههه ضحكتينى وانا ماليش نفس منه : ايه اللى قولته ضحكك انا : انا مفيش واحده حبتنى بجد غير فاتن .. انتى جايز تكونى حبتينى شويه ايام ماكنت غلبان علشان كنت بساعد الناس وانتى اولهم كنتى شايفه فيا مهيب الطيب لكن بعد مشكلتى بعتينى .. لكن فاتن بتحبنى من زمان اوووى ووقت مشكلتى وقفت قصاد ابويا وابوها والعيله كلها ع** ما انتى عملتى ... فاتن اللى كان عندها استعداد تخسر كل حاجه قصاد نظرة رضا من عينى ... فاتن اللى بشوف فى عنيها نظرة حب صافيه عمرى ماشوفتها فى عين حد غير فى عين امى فاتن اللى انا عندها كل حاجه فى حياتها .. فاتن دى اللى عمرى ماهسمح لحاجه انها ت**ر قلبها ولو على جثتى ولو حد فكر مجرد تفكير انه يزعلها انا همحيه من على وش الارض وقامت منه سابتى وجريت وانا عدلت نفسى على الشيزلونج وغمضت عينى فجاه حد مسك ايدى وباسها اتخضيت وفتحت عينى لقيت فاتن ومحمد وهدير واقفين وراها وفاتن واقفه على ركبه ونص وماسكه ايدى بتبوسها انا : انتى ايه اللى جابك هنا *فلاش باك بعد مشكلة هدير الصبح .. هدير ومى قاعدين مع بعض هدير : انا مش عارفه اتصرف ازاى فى المشكله اللى هتحصل مى : اتصلى باى حد من البلد يجى يتصرف قبل المشكله ماتكبر هدير : طب اكلم مين مى : مش عارفه كلمى ابوكى ولا ابو مهيب اى حد كبير يتصرف هدير : لا انا خايفه منهم ومن مهيب مى : جمدى قلبك هدير : انا هكلم محمد وهو هيعرف يتصرف مى : طب كلميه بسرعه هدير : حاضر .. وطلعت تليفونها واتصلت بمحمد محمد : معقول لحقت اوحشك ده انا مكلمك من ساعه هدير : فى مصيبه يامحمد محمد : خير فى ايه هدير : بعد ماقفلت معاك كنت واقفه شويه وحدى على البحر وجيه واد بيعا**نى روحت ض*بته وعدمته العافيه و مهيب جيه كمل عليه محمد : وبعدين ايه حصل هدير : بعد مالحكايه خلصت اكتشفنا ان الواد ده ابوه يبقى مساعد وزير الداخليه محمد : يادى المصيبه ... طب مهيب فين دلوقتى هدير : مهيب قاعد فى الكافيه مع العيال محمد : انت بتستعبطى هدير : لا انا بتكلم بجد هو مفيش حاجه حصلت لحد دلوقتى وقالى انى ما اكلمش حد وهو هيعرف يتصرف كويس بس انا خايفه محمد : طب اقفلى وانا هتصرف واجيلك بس على الله الاقى طيران دلوقتى وبعد ماقفلت هدير مع محمد مى : هاه عملتى ايه هدير : محمد هيركب اول طياره ويجى مى : طب كويس *نروح عند محمد .. فجاه فاتن دخلت عليه الاوضه وهو بيغير هدومه فاتن : ايه حصل ل مهيب يامحمد محمد : مفيش حاجه حصلت فاتن : انا كنت معديه جمب اوضتك وسمعتك بتجيب سيرة مهيب وشكلها فى مشكله محمد : ايوه مهيب اتخانق مع واد هناك ابوه مساعد وزير الداخليه وانا مسافر علشان الحق الموضوع قبل مايكبر فاتن : انا هاجى معاك محمد : مش هينفع انا مش عاوز حد يحس بيا فاتن : وانا مش هقدر استنى هنا اتصرف وقول اى حاجه محمد : طب روحى لمى هدومك وقولى لامك ان احنا رايحين ناخد يومين مع مهيب وهدير فاتن : حاضر وراح محمد وفاتن المطار ومالقيش طيران مباشر اسكندريه فحجز للقاهره ومن القاهره ركب طيارة اسكندريه وبعد كده اخد عربيه وطلع على مارينا وكان طول الطريق بيكلم هدير ويعرف منها الاخبار ولما جيه خيرى النجار محمد ماكانش وصل لسه ... وصل محمد بعد المشكله ماخلصت وكل واحد كان طلع اوضته وانا كنت قاعد على البسين وحدى محمد اتصل بهدير واتقابلوا محمد : مهيب فين ياهدير هدير : قاعد على البسين فاتن : والمشكله خلصت هدير: اه مهيب خلص كل حاجه مع خيرى النجار محمد : خلصها ازاى هدير : مهيب تقريبا ماسك حاجه عليه وهدده بيها الراجل خاف واخد رجالته وابنه ومشيوا محمد : مهيب ماسك ايه هدير : معرفش مارضيش يقولى فاتن : طب يلا بينا نروحله هدير : يلا بينا وهما رايحين يشوفونى شافوا منه داخله عليا فاتن : استنوا نشوف الزفته دى عاوزه ايه هدير : اعقلى وبلاش مشاكل مهيب بيحبك فاتن : الظاهر كده انى لازم اقطعله ديله ده .. تعالوا نقرب منهم من غير ماياخدوا بالهم عاوزه اسمع بيقولوا ايه محمد : لمى نفسك يابت انتى فاتن : يامحمد سبنى فى حالى الساعه دى وقربوا شويه مننا من غير ماناخد بالنا وسمعوا كل الكلام اللى حصل بينى انا ومنه هدير : شوفتى ادى انتى ظلمتى الواد فاتن : انا مش عارفه اعمل فيه ايه كل ماقول همسكه بي**نى يقلب الطرابيزه عليا هدير : يابنتى الواد بيحبك فاتن : وانا كمان بحبه ومش عارفه اعمله ايه محمد : طب يلا بينا نروحله * نرجع من الفلاش باك انا : انتى ايه اللى جابك هنا فاتن : باست ايدى تانى .. انا بحبك وبعشقك وهعيش طول عمرى تحت رجلك انا : وقفت وقتها .. انتى مكانك مش تحت رجلى .. لا انتى مكانك فى عينى وقلبى وفوق دماغى ... ماعاش ولا كان اللى ي**رك ويحطك تحت رجله حتى لو كان انا فاتن : انت فاكر انها اهانه ليا انى ابقى تحت رجلك بالع** انا مش عاوزه حاجه تانى من الدنيا غير بس رضاك عنى وانشا الله اموت بعدها انا : بعد الشر عنك .. اموت انا قبل مايحصلك حاجه .. انا ما استحملش اعيش لحظه من غيرك فاتن : دخلت فى حضنى ... انا بحبك قووووى هدير بصت لمحمد وض*بته فى كتفه وقالتله : شايف الحب والرومانسيه يازفت محمد : ايه ده بتض*بينى ليه انا مش لسه قايلك بحبك من اسبوعين هدير : بحبك ومن اسبوعين... ادعى عليك بايه يامحمد يابن ايمان محمد : طب ايه دخل امى فى الموضوع دلوقتى هدير : اسكت يامحمد ماتنرفزنيش محمد : اخد هدير فى حضنه وقالها نحن رجال افعال ..ماليش انا فى المحن ده بيعلى عليا الضغط بعد ماخلصت اللحظه الرومانسيه انا : ايه اللى جابكم انتوا الاتنين محمد : مصايبك اللى مابتخلصش انا : المره دى انا ماليش ذنب البركه فى خطيبتك محمد : والله انت او هى .. محدش فيكم يريح هدير : طب انا مالى واحد عا**نى اضطريت اض*به محمد : ض*بتيه جامت يابت انا : دى مسحت بكرامته الشط وماسبتهوش غير لما قال على نفسه انه مره محمد حضن هدير جامد وقالها : جدعه يابت سايب ورايا دكر هدير : عيب عليك ياسطا انت مش عارف بتكلم مين ولا ايه انا : الله يخرب بيوتكم انتوا الاتنين بوظتوا اللحظه محمد : سيبك من الهبل ده وقولى عملت ايه مع خيرى النجار انا : بعدين هحكيلك ... انتوا جايين من السفر تعبانين تعالو نحجز اوض ليكم وتطلعوا تناموا وبكره ابقى احكيلك على اللى انت عاوزه محمد : ماشى يلا بينا وبكره لينا كلام تانى وروحنا حجزنا اوض لمحمد وفاتن وطلعوا اوضهم يناموا وانا وهدير كل واحد راح اوضته علشان ينام وصحينا تانى يوم الصبح وا****عه سبقونى للفطار وانا وهدير استنينا محمد وفاتن علشان ننزل مع بعض .. وبعد ماجهزوا نزلنا المطعم علشان نفطر امانى : مهيب فين يا ابراهيم ابراهيم : فى الاوضه .. قال اسبقنى عمر : طب يلا بينا ندخل المطعم انا جعان ودخلو كلهم المطعم وبعده بربع ساعه دخلت انا وا****عه امانى بصت لاسماء : ايه اللى جاب البنت دى دلوقتى اسماء : معرفش بس شكلها جات هى واخوها علشان مشكلة امبارح امانى : هى كل شويه هتتنطط ل مهيب اسماء : انتى ناسيه انها خطيبته وبنت عمه يعنى شئ طبيعى لما مهيب يحصله مشكله تلاقيها موجوده امانى : هو مش مهيب قال لهدير ماتتصلش بحد من عيلتهم اسماء : تلاقيها خافت وماسمعتش كلامه .. لان من الواضح ان محمد وفاتن هنا من بالليل امانى : وياترى مهيب هيقعد معانا ولا هيكمل الرحله مع حبيبة القلب اسماء: معرفش بس اكيد هياخد معاها اكبر وقت امانى : شكلها كده الرحله هيبقى دمها تقيل اسماء : طب لمى نفسك احنا مش ناقصين مشاكل كفايه اللى حصل امبارح #يتبع

Free reading for new users

Scan code to download app

App Store Google Play

Facebookexpand_more