الحلقة ال 28
2253 Words
#الفتي_الشرير
#الحلقة_ال 28
_______________
وقفنا الحلقة اللى فاتت لما كنت واقف فى البلكونه و شوفت هاله مرات خالى داخله العماره ... لثوانى عقلى اتشل وقولت ان يوم النهارده مش هيعدى على خير طلعت تليفونى واتصلت بخالى
خالى : ازيك يا مهيب
انا : مفيش وقت للسلامات مراتك داخله عليك حالا
خالى : وانت عرفت من فين
انا : مفيش وقت للكلام ده ... طلع الست اللى عندك من سلم المطبخ وانا هدخلها عندى ولو مراتك سالتك بتعمل ايه هنا قولها ان دى شقتى وانك بتعاينها
خالى : طب اقفل بسرعه
وراح خالى لهبة اللى معاه وطلعها من سلم المطبخ وهو بيطلعها الباب خبط انا دخلت هبة عندى الشقه ونزلت لخالى
* عند خالى تحت فتح الباب ولقى هاله مراته
خالى : ايه اللى جابك هنا ومين قالك ان انا هنا
هاله : جيت امسكك يا استاذ .. ودخلت الشقه تفتش فيها ومالقيتش حاجه
خالى : ايه اللى جابك هنا
هاله : فين الست اللى كانت معاك
خالى : ست ايه ياهاله .. دى شقة مهيب بعاينها علشان عاوز يغير فيها د*كورات
هاله : ياسلام يعنى هيدخل عليا كلامك ده
خالى : طب اثبتهالك ازاى دى دلوقتى
هاله : هو فين مهيب اللى انت بتعاين شقته
خالى : نزل تحت وجاى دلوقتى
هاله : طب ادى قعده ونشوف اخرتها
خالى : يعنى بتكدبينى ومش مصدقانى
هاله : ايوه مش مصدقاك
خالى : انتى مين قالك ان انا هنا
هاله : جاتلى رساله من رقم غريب بتقولى لو عاوزه تشوفى سعد بي**نك روحى العنوان ده دلوقتى وهتلاقى معاه واحده
وجيت لقيتك هنا
وفجاه دخلت عليهم من باب الشقه لان خالى كان سايب الباب مفتوح
انا : ايه ده ازيك ياعمتى ... ايه اللى جابك هنا
هاله : انت ايه اللى جابك هنا
انا : دى شقتى وجبت خالى يعاينها علشان اغير د*كوراتها
هاله : وانت كنت فين
انا : لا مفيش نزلت ابعد عربيتى علشان قافله على عربية واحد وعايز يمشى
هاله : يعنى دى شقتك بجد
انا : تحبى ارجع شقتى اجبلك ال*قد بتاعها
هاله : بس انت شقتك فى النافوره
انا : ايوه ... ودى شقه تانيه لسه مشتريها من فتره
هاله : يعنى خالك مش بي**نى
انا : ايه الهبل اللى بتقوليه ده .. يعنى لو خالى بي**نك هيجيبنى معاه ... هو ده كلام يتعقل
هاله : امال مين اللى بعتلى الرساله دى وعمل كده ليه
خالى : تلاقى واحد بيعا** او بيستظرف
وقعدنا اكتر من ساعه نقنع فى مرات خالى لحد ما اقتنعت ونزلنا ركبوا عربيتهم ومشيوا وانا كنت همشى بس افتكرت البنت اللى فوق .. ولقيت حسين البواب داخل عليا
حسين : ايه فى يابشمهندس واقف كده ليه
انا : لا مفيش بس كان فى مشكله هتحصل ولحقتها
حسين : قصدك الراجل اللى ساكن تحتك
انا : ايوه هو
حسين : هو انت تعرفه ... انا شوفتك واقف معاه
انا : اه معرفه سطحيه كده ... يبقى خالى
حسين : خالك ازاى يعنى
انا : خالى يعنى اخو امى
حسين : ازاى وانت سالتنى عليه قبل كده
انا : كنت عاوز اعرف ايه اللى جابوا العماره من غير ماحد يعرف
حسين : قولتلى ... طب ايه حصل ده طلع بواحده ونزل بواحده تانيه خالص
انا : اللى نزلت معاه دى مراته وجات علشان تقفشه
حسين : طب اللى كانت معاه راحت فين
انا : سيبك من الحوار ده ... موضوع وخلص خلاص .. المهم طمنى على مراتك وعيالك
حسين : كلهم بخير وبيبوسوا ايدك
انا : لو محتاجين حاجه كلمنى على طول ماتت**فش
حسين : هو انت مخلينا محتاجين حاجه ابدا الواحد مش عارف من غيرك كان هيعمل ايه
انا : ماتقولش كده ياراجل .... احنا كلنا اسباب مسخرها ربك .. ومحدش فينا فى ايده يمنع خير ربك كاتبه .. يلا اسيبك .. انا تعبان وعاوز انام
* وسبت حسين وطلعت الشقه للبنت اللى فوق ولقيتها قاعده فى الصاله واول مادخلت جريت عليا
هبه : ايه فى ... وايه حصل تحت
انا : لا مفيش ... فى حد بعت رساله لمرات خالى بيقولها انه بي**نها هنا
هبه : كويس ان انت لحقت تبلغه والا كان زمان الدنيا خربت علينا واتعمل فضيحه محدش يعرف يلمها
انا : يلا اهى عدت على خير ... شوفى نفسك اذا كنتى عاوزه تمشى تقدرى تمشى الطريق امان
هبه : امشى ؟؟
انا : ايوه مش انتى بعد ماخلصتى مع خالى كنتى ماشيه
هبه : ايوه كنت ماشيه ... بس انت مش عاوز حاجه
انا : هعوز ايه يعنى منك
هبه : غريبه .. واحد مكانك كان هيستغل الموقف وينام معايا
انا : مش كل الناس زى بعضها
هبه : ليه انت شايفنى مش حلوه ولا ايه
انا : لا بالع** انت حلوه اووووى .. بس ده ايه علاقته بيا ما الدنيا مليانه بنات حلوه معنى كده انى انام مع كل واحده حلوه أشوفها
هبه : يعنى انت مش عاوز منى حاجه
انا : ولا منك ولا من غيرك ... شكرا
هبه : هو انت مالكش فى الستات ولا ايه
انا : لا ليا فى الستات بس انا متجوز
هبه : شكلك صغير على انك تبقى متجوز
انا : لا احنا فى العيله بنتجوز بدرى
هبه : برضه مفيش واحد متجوز يعدى موقف زى ده من غير ما ياخد نصيبه
انا : انا مش زى اى حد انتى عرفتيه ... على العموم لو عاوزه تمشى اتفضلى ... ولو مش لاقيه مكان تباتى فيه ومش عاوزه تمشى فى اوضه زياده تقدرى تبانى فيها للصبح ... وانا هسيبك وادخل انام لانى صاحى من بدرى وتعبان
هبه : لا انا هبات هنا للصبح وهمشى الصبح بدرى
انا : براحتك ... لو عوزتى تاكلى حاجه فى فراخ وبطاطس فى الفرن سخنى وعيشى مع نفسك
وسبتها و دخلت الاوضه علشان انام وهى مستغربه ومش مصدقه اللى بيحصل وطول ما انا نايم حاسس بيها بتتمشى فى الصاله زى اللى مستنيه حاجه بس طنشتها لحد الصبح ماطلع صحيت وخرجت علشان اجهز وامشى وامشيها .. خرجت لقيتها نايمه على الكنبه فى الصاله ولابسه قميص نوم مش مدارى اى حاجه والتليفزيون شغال للحظه كنت هضعف قصادها بس مسكت نفسى بالعافيه وسبتها ودخلت الحمام علشان اهدى و اخدت شاور ساقع علشان يفوقنى من اللى انا فيه وخرجت صحيتها قامت مفزوعه
هبه : ايه ده انا فين
انا : ايه اللى نيمك فى الصاله كده
هبه : ماجاليش نوم بالليل خرجت اتف*ج على التلفيزيون والظاهر كده راحت عليا نومه
انا : مش مشكله يلا قومى البسى علشان ننزل
هبه : هى الساعه كام دلوقتى
انا : الساعه 8
هبه : ليه صاحى بدرى كده
انا : معايا محاضرات كمان ساعه ويدوب نتحرك
هبه : انت بتتكلم بجد
انا : ايه اللى يخليكى تقولى كده
هبه : انت حكايتك ايه بالظبط
انا : مالى يعنى
هبه : امبارح لحقت خالك من مصيبه ... وسيبتنى ابات عندك من غير ماتقربلى وسبتنى ودخلت اوضتك تنام وطنشتنى وانا قعدت فى الصاله ولابسه لبس يحرك الحجر وانت قاعد قدامى من غير ماتتهز ... ودلوقتى بتقولى يلا نمشى علشان معاك محاضرات .. انت ج*سك ايه بالظبط
انا : انا انسان طبيعى جدا مش هقولك ملاك .. انسان عادى جدا بس الفرق بينى وبين كل اللى انتى عرفتيهم انى بعرف اتحكم فى اعصابى ومش بسهوله واحده تعرف توقعنى وده مجاش بالساهل لا ده جيه بتدريب صعب جدا لشهور يعنى اى طريقه هتفكرى تغرينى بيها مش هتجيب نتيجه معايا
هبه : وليه ده كله ... تدريب وسيطره على الاعصاب هتستفاد ايه من ده كله
انا : لا دى حاجه ماتخصكيش وماتخصش اى حد غيرى
هبه : انا محتاجه اعرفك
انا : وتعرفينى ليه
هبه : مش عارفه حاسه انى من اول ماشوفتك ان دى مش هتبقى اخر مره اشوفك فيها
انا : وافرضى شوفتينى تانى .. اللى فى دماغك مش هيحصل
هبه : سيب الايام تقرر
انا : انا اللى بقرر مش الايام
هبه : يعنى ايه
انا : يعنى اللى يسيب الايام تقررله ده الانسان الضعيف او الغبى .. اما انا مش غبى واحساس الضعف ده انا رميته وراء ضهرى من زمان
هبه : برضه سيب الايام تقرر
انا : انتى حره ... يلا قومى اجهزى علشان ننزل انا كده هتاخر
هبه : طب ممكن تدينى رقم تليفونك علشان اسال عليك من وقت للتانى
انا : ماشى ياستى خدى الرقم
* وبعد كده اخدتها ومشينا انا روحت الكليه واخدت محاضراتى وبعد كده اتصلت بخالى وروحتله المكتب بتاعه
خالى : مش عارف لولاك كان هيبقى ايه الموقف دلوقتى
انا : كان زمانك مفضوح فضيحه بجلاجل
خالى : ياعم اهى عدت
انا : مش ناوى تلم الدور شويه وتهدى
خالى : واسيب الستات دى لمين
انا : ياخالى قدر النعمه اللى فى ايدك انت متجوز واحده زى القمر ومخلف ولد وبنت الف واحد يحسدك عليهم .. ايه لزمتها الرمرمه دى
خالى : اعمل ايه هاله مش مكفيانى وانا بحب الستات
انا : مش مكفياك اتجوز عليها لكن ماترمرمش كده احنا مش ناقصين مشاكل كفايه اللى احنا فيه
خالى : جواز ايه ياعم هى ناقصه خنقه الواحد كده واخد راحته
انا : انت حر بس المره اللى جايه معرفكش
خالى : لا ماتخافش انا هاخد بالى المره اللى جايه
انا : هتاخد بالك ازاى يعنى ومراتك عرفت الشقه بتاعتك
خالى : لا انا قررت ابيع الشقه دى واشترى شقه فى المعادى معروضه عليا ... على النيل بس ايه تحفه تحب اشتريلك واحده معايا
انا : اوك اشتريلى ... وعلى العموم انت حر بس انا حبيت اريح ضميرى من ناحيتك
خالى : ريح ياخويا ضميرك كويس .. بس ماقولتليش عملت ايه مع هبه بعد ماسيبتك
انا : هعمل ايه يعنى سبتها تبات فى الشقه للصبح وبعد كده مشيتها
خالى : وياترى باتت معاك فى نفس السرير
انا : لا طبعا انا فى اوضه وهى فى اوضه
خالى : انت بتستعبط
انا : واستعبط ليه يعنى
خالى : يعنى ***** معاك فى الشقه وتسيبها
انا : اهو انت قولت بنفسك ****** ... يعنى يوم ما اعمل حاجه زى دى اعملها مع ******
خالى : امال تعملها مع مين
انا : لا ملكش دعوه اعملها مع مين وخلينا فى المهم دلوقتى
خالى : ايه المهم ده
انا : الشغل طبعا
خالى : شغل ايه ده
انا : احنا مش اتفقنا انى هعمل مجموعه اقتصاديه
خالى : وانا ايه علاقتى بالكلام ده
انا : هو انت مش هتدخل شريك معانا ولا ايه
خالى : ايوه انا معاك بس مش عارف ايه مطلوب منى
انا : كل المطلوب منك ان احنا هنكبر المكتب بتاعك ده وهنخليه شركة مقاولات كبيره تابع للشركه الام اللى اتفتحت فى الاقصر ... شركة الاقصر عليها من اسوان لغاية المنيا
وشركتك اللى هنا عليها من الجيزه لاسكندريه
خالى : طب تمام ... هنبدا امتى فى الشغل
انا : اخر الاسبوع هتروح للمحامى بتاعى هو هيخلصلك كل الإجراءات القانونية اللازمة وبعدها هنبدا شغل على طول
خالى : طب انا نسبتى كام فى الشركه دى
انا : العيله كلها ليها نسبه ثابته فى المجموعه الاقتصاديه اللى هتتعمل 15%
خالى : مين العيله دى
انا : انت ومراتك واولادك وابويا وامى واخواتى وعمى ومراته وخالتى وجوزها وعيالهم ... يعنى انتوا 15 واحد نسبة كل واحد فيكم 1%
خالى : طب وباقى الشركه
انا : باقى الشركه محمد ليه 25 % وفاتن 5% وانا 55%
خالى : طب فاتن وفهمناها .. اشمعنا محمد ليه النسبه دى كلها
انا : لان دى نسبة محمد فى رأس المال اللى هنعمل بيه الشركه اما نسبتكم انتوا وفاتن دى من نصيبى انا
خالى : مش قليله 15 % دى للعيله كلها
انا : لا مش قليله لان انا اللى هبنى ده كله ده غير المصاريف اللى هتبقى عليا كلها على اولاد العيله والشغل اللى اتفقنا عليه فى الاجتماع كل ده انا هصرف عليه من نصيبى ومحدش فيكم عليه اى التزامات يعنى انتوا كل اللى هتعملوه هتاخدوا فلوس وبس وفلوس كتيره جدا انتوا ماتتصوروهاش
خالى : ماشى يا مهيب اللى تشوفه
انا : كده تمام .. انا هكلم المحامى علشان احددلك معاه معاد علشان تتقابلوا وتخلصوا كل المطلوب
خالى : اوك
* من ناحيه تانيه اسامه قاعد فى كافيه ومسك تليفونه واتصل برقم
اسامه : ايوه ياباشا انا عرفت مكان شقتين لمهيب محدش يعرفهم ... اه هنا فى المقطم انا بقالى اسبوع براقبه ولقيته راح الشقتين دول اكتر من مره وسالت وعرفت ان دى الشقق بتاعته .... مش عارف اذا كان فيها اللى انت عاوزه ولا ايه الدنيا ..... انا هبعتلك عناوين الشقتين فى رساله وانت ابعت اى حد يدخلها ويفتش لانى مش هعرف ادخل هناك ... خلاص تمام قولى على اليوم اللى هتبعت فيه الناس علشان اروح ابات مع مهيب فى الشقه واغطى عليكم ... طب سلام دلوقتى علشان البت سلمى وصلت هشوفها لو عندها اخبار جديده واكلمك تانى
سلمى : ازيك يا اوس
اسامه : تمام ايه اخبارك انتى
سلمى : مفيش جديد
اسامه : ازاى مفيش جديد
سلمى : صاحبك غامض كده ومابتكلمش على اى حاجه تخصه ده غير انه بينفضلى كتير وكل ما اتصل بيه يا اما مايردش يا اما يقفل معايا بسرعه
اسامه : لا حاولى معاه تانى
سلمى : حاضر هحاول تانى .... بس فى حاجه عاوزه اعرفها
اسامه : حاجة ايه
سلمى : انت ليه تاعب نفسك وبتدور ورا مهيب كده
اسامه : اصله محيرنى وحاسس انه بيعمل حاجه غلط بس مش عارف ايه الحاجه دى
سلمى : وانت مالك بيه ما تسيبه يعمل اللى هو عاوزه
اسامه : مالكيش فيه انا دماغى كده
سلمى : طب وابراهيم عاوز ايه من مهيب
اسامه : ماله ابراهيم
سلمى : مش كان معاك لما قولتلى انك بتدور ورا مهيب
اسامه : لا ابراهيم سابنى وقال ايه ماشافش حاجه وحشه من مهيب علشان يدور وراه
سلمى : بصراحه عنده حق ... انت اللى مش فاهمه هتستفاد ايه من الموضوع ده
اسامه : قولتلك دى حاجه تخصنى
سلمى : براحتك ... اسيبك انا معايا مشوار
اسامه : خلاص تمام روحى
* ومشيت الامور بعد كده تمام ... محمد شغال فى البلد وخالى شغال فى القاهره ... وامانى قصاد ضغط اهلها عليها اضطرت توافق على الخطوبه من العريس اللى متقدملها
وانا دخلت فى امتحانات الفاينال فى الجامعه وعدى شهر الامتحانات وكنا فى هندسه خلصنا قبل هدير ومى اضطريت انا واسماء ومصطفى نستنى لما يخلصوا امتحانات علشان مصطفى ينزل اسيوط وانا اخد مى وهدير واسماء وننزل الاقصر وابراهيم معاد سفرية فرنسا بعد الامتحان الاخير باسبوع
##########
- Writer
