NAKAHIGA na ako sa kama ko pero hanggang ngayon ay hindi pa rin ako dinadalaw ng antok ko. Para akong baliw na hanggang ngayon ay napapangiti pa rin mag-isa at naiisip ko ang ginawa sa ’kin kanina ni Sir Cross. Hindi pa rin mawala-wala sa isipan ko ang mga nangyari kanina. Napahawak ako ulit sa noo ko. Pakiramdam ko kasi nakadikit pa rin doon ang mga labi niya. Hanggang ngayon ay malakas pa rin ang pagkabog ng puso ko dahil sa kilig na nararamdaman ko.
“Debbie ano ba! Matulog ka na.” Saway ko sa sarili ko ’tsaka tinampal ang sarili kong mukha.
Nababaliw na ata talaga ako! Ganito ba talaga ang epekto kapag hinalikan ka ng crush mo? Para pa akong nahanginan sa sikmura ko at kanina pa ako kinakabag dahil sa sobrang kilig.
Kinuha ko ang unan ko ’tsaka inilagay ulit sa mukha ko at doon ay tu
