MALALIM na buntong-hininga ang pinakawalan ko sa ere bago nag-aalangan na humakbang ako papasok sa kuwarto kung saan gaganapin ang unang hiring sa kaso ko. Pinagpapawisan ng malamig ang mga kamay ko dahil sa abot-abot na kaba sa dibdib ko.
Paano kung matalo ako? Ayokong makulong. Wala akong kasalanan! Dapat si Tiyo Cardo ang makulong dahil siya ang nagsamantala sa ’kin. Sila ang nang agrabyado sa ’kin.
Halos hindi ko na maigalaw ang mga tuhod ko nang nasa gitna na ako ng pintuan. Parang ayaw kong tumuloy roon dahil natatakot ako. Mayamaya ay naramdaman ko naman na may brasong pumulupot sa baywang ko pagkatapos ay kinintalan ng halik ang gilid ng noo ko.
“I’m here. Don’t worry... you will win the case.” Bulong sa ’kin ni sir Cross.
Napatingin naman ako sa kaniya. Kitang-kita ko ang mata
