Madaling-araw pa lang ng Sabado ay alam kong abala na ang lahat sa baba para ayusan ang pagdadausan ng aking kaarawan. Doon sa may garden ito gaganapin. Tapos i-e-extend sa may swimming pool ang pag-aayos ng mga mesa at upuan dahil baka hindi kayang i-occupy lahat sa garden ang darating na mga bisita.
Dinig ko sa kwarto ko ang ingay ng mga sunod-sunod na sasakyan na papasok sa garahe na naglalaman marahil ng mga speaker, lamesa, upuan at kung ano-ano pa na gagamitin para sa party ko mamayang gabi.
Ang iingay ng mga taong nagbubuhat ng kung ano-anong gamit at naulinigan ko pa ang tawanan at usapan ng mga ito na akala mo ay wala ng tulog ng mga ganitong oras.
Pampagising na rin siguro sa natutulog nilang diwa dahil halos kaka-ala una pa lang nang tingnan ko ang oras sa alarm clock na nas
