THE NEXT MORNING I WOKE UP ABRUPTLY AND FEELING EMPTY. Parang ayaw ko na nga ring pumasok sa trabaho pero alam ko na kailangan. Bago ako nagpunta sa opisina ay dumiretso ako sa isang computer shop na malapit sa amin para ipa-print iyong resignation letter na ginawa ko kagabi.
Hindi ko kasi alam ang email ni Leon o ng kompanya kaya nagpa-print na lang ako. Hindi ko rin kasi mahanap ang email nila sa mga papel na ibinigay sa akin ni Leon.
Bago ako umuwi kahapon ay nagpaalam pa ulit si Ysa kay Leon kung puwedeng sa kanya ulit ako ngayong araw, pero hindi na pumayag si Leon at hindi ko alam kung bakit.
Basta ang sinabi lang niya ay may mga kliyente siya na kailangang katagpuin at kailangan niya ang tulong at presensiya ko, hindi naman ako sigurado kung totoo iyon pero hinayaan ko na lang. B
