Arietta’s POV
KINABUKASAN ay bumalik ulit ako sa cafe na pinuntahan ko kung saan ko nakita si Jaypee, pero wala na siya roon. Nadatnan ko si Joan doon na nag-aasikaso at ang iba pang empleyado, pero hindi na ako nag-abala pang tanungin ito dahil maraming customer ngayong linggo. Hindi ko alam kung bakit ako bumalik ulit dito pagkatapos ng nangyari kahapon.
Naalala ko kung paano magulat si Jaypee nang malaman niyang ako ang may-ari ng cafe na 'yon. Hindi niya magawang tignan ako sa mata pagkatapos ng nangyari. Wala naman akong balak na paalisin siya sa trabaho. Gusto ko lang sana na huwag niyang ipagsabi ang lahat ng nalaman niya. Napalingon naman ako sa gilid ko nang bigla ako nitong tawagin.
"Miss, 'yong order ko wala pa rin ba? Kanina pa kami naghihintay rito." Napatingin ako sa kaniy
