أرتجفت الكلمات على طرف شفتيه ليقول مصدوماً:
- قصدك أيه، هو عملك أيه يا عهد؟!!!
أسرعت تُغير مجرى الحديث و هي تقول تمسح دمعاتها:
- معملش حاجة..!!!
- أومال كلامك دة معناه أيه؟!!!!
صرخ بها في آخر كلامه بعصبية شديدة جعلتها تنتفض و هي تقول برجاء حار:
- خلاص يا ليث عشان خاطري والله هبقى اقولك بس مش دلوقتي!!!
ثم تابعت ببكاء حارق:
- يا ليث أنا مصدقت، مصدقت أرتاح بقى و أبعد عن كل اللي شوفته ليه عايز تفكرني تاني بـ كل اللي عيشتُه، ليه عايز تعذبني!!! أنا من ساعة مـ دخلت القصر دة و أنا مشوفتش يوم حلو، قسماً بالله مضحكتش ضحكة واحدة بس فيه، فاكر يا ليث، فاكر عهد الي ضحكتها مكانتش بتفارقها، الشقية اللي كانت بتتنطت زي الفراشة، صدقني عهد دي ماتت و أخوك هو اللي دفنها بإيدُه، و أتولدت عهد جديدة متعرفش عن الفرحة غير أنها كلمة بـ أربع حروف .. متعرفش عن السعادة حاجة، متعرفش عن الحب و الحنان أي حاجة من ك
