Chapter 18
Matapos maligo ni Mami ay ginamot niya ang sugat niya sa balikat. Napapamura pa siya sa tuwing kumikirot ito kapag dadampian niya ng bulak na may betadine. Matapos niyang gamutin ang sugat ay nagpahinga na siya. Humiga siya sa kama at nagmuni-muni. Inisip niya sa mga oras na 'to ngayon ay nakita na ni Leon na wala nang halos laman ang bitbit nitong bag kanina.
Inihinto ni Leon ang kotse sa gilid na parking malapit sa isang convenience store. Pagkababa nito ay nagmadali naman si Mami na kumilos. Pinakialaman niya ang bitbit na bag kanina ni Leon. Binuksan niya ang trunk ng kotse nito at saka nito binuksan ang itim na bag na nasa likod. Nakita niyang tatlo bag ito ng tila pulbos na hindi niya mawari. Kinuha niya ang paperbag sa gilid at kaagad na inalis ang tatlong pack ng powde
