Chapter 17
Ilang minuto ring hindi nakalabas si Mami mula sa lamesa na pinagtaguan niya dahil nasa paligid lang palagi ang dalawang lalaki. Talagang hinalughog ng mga ito ang kabuuan ng abandonadong bahay ngunit wala namang natagpuan ang mga ito. Bigo ang mga ito na umalis at lumabas ng bahay. Saka naman lumabas si Mami sa ilalim ng lamesa. Hirap na hirap siyang huminga. Napabahing pa siya nang tatlong beses na sunud-sunod dahil sa dami ng alikabok na nasinghot niya. Kaagad naman niyang tinakpan ang bibig niya dahil naisip niyang baka hindi pa nakalayo ang dalawang lalaki at baka narinig siya ng mga ito. Kaya naman mabilis siyang nagtungo sa likurang parte ng bahay. Lalabas pa lamang sana siya sa pinto nang biglang may humila sa kamay niya. Sisigaw na sana siya nang takpan nito ang bibig
