Chapter 11
Ipinatawag ni Sir Axel si Zara sa opisina nito sa taas. Kinakabahan si Zara. Nag-impake na nga siya ng mga damit niya kanina. Kaunti lang naman ang mga damit niya kaya hindi gaanong mahirap na mag-alsabalutan.
Kumatok muna siya sa pinto ng opisina ni Sir Axel.
"Bukas 'yan," tugon lamang nito.
Nagdalawang isip pa si Zara kung papasok ba siya? Natatakot siya sa mga maaaring marinig na sasabihin nito. May trauma na yata siya? Palagi na siyang nag-iisip ng mga maaring mangyari na hindi magandang bagay.
"Ako po ito, si Ara," anunsyo niya pa bago tuluyang pumasok.
Lumakad siya papasok pagkabukas niya sa pinto. Huminto siya kaagad dalawang hakbang lang ang layo mula pinto.
"Bakit hindi ka lumapit? Gusto mo talagang pasigaw kitang kausapin sa layo mo ngayon sa akin?" Tanong pa
