Chapter 12
Lalong naging tahimik sa buong kabahayan ng gabing 'yon dahil naiwan si Zara nang mag-isa. Alas diyes na ng gabi pero nakahiga pa rin siya sa kama niya. Rinig na rinig mula sa kwarto niya ang kasiyahan sa kabilang resort. Hindi pa rin maiwasan ni Zara na hindi sumama ang loob niya.
Hindi rin naman siya makaidlip habang naghihintay ng oras. May usapan kasi sila ni Dave. Susunduin siya nito bago ang alas dose. Tatakas siya. Bahala na ang amo niyang masungit na nga, madamot pa. Kaya naman niyang magtrabaho kinabukasan kahit na puyat siya eh. Saka wala naman na siyang mga labahin. Magluluto at maglilinis lang naman sila bukas ni Manang. Wala namang mabibigat na trabaho na kailangang matapos bukas. Kaya bakit siya nito pagdadamutan na makanood ng live band? Hindi na talaga niya ma
