Chapter 10
Isinama ni Dave si Zara na magpunta sa kabilang building dahil may kukunin daw ito na mabigat na bagay kaya kailangan nito ang tulong niya. Nagpaalam naman si Zara kay Manang Sabel at nagsabing babalik din kaagad matapos tumulong sa pinsan ng amo. Ngunit hindi inaasahan ni Zara na hindi naman pala totoo ang sinabi ni Dave sa kanya. Gusto lamang nitong gumala at magliwaliw.
"Huwag ka munang bumalik. Nandito ka na rin lang, itu-tour na kita sa malaking Resort ng masungit mong amo," pagpupumilit pa rin ni Dave sa kanya dahil sinabi niyang babalik na siya kung wala naman pala silang kukunin sa building na 'yon.
"Lagot ako kapag nalaman ni Sir Axel na nag-iikot-ikot lang ako rito. Baka mamaya makasalubong pa natin 'yon eh," saad din naman ni Zara.
"Hindi 'yan. Kasama mo naman a
