Nagulat ako nang may nag-doorbell. Ang lakas naman kasi ng tunog. Napasulyap ako kay Orson. Napansin ko ang pinipigilan nitong ngiti.
"Sorry kung masyadong nakakabingi. Siguro 'yong delivery boy na 'yan. Nagpadeliver kasi ako ng hapunan para sa'tin," tugon nito sa'kin at mabilis nitong tinungo ang pinto para harapin ang naturang delivery boy.
Sumilip lang ako sa bintana. Tinungo ni Orson ang naturang gate at inabot ang isang plastic na may lamang pagkain mula sa delivery man. Naisipan ko na lamang na ihanda ang mesa. Yes, tama. Iyon ang gagawin ko.
Tinungo ko ang maliit na dining room at pinakialaman ang ilang gamit na naroon. Nakangiti ako. Nailing sa weird na naiisip. Para lang kaming mag-asawa na nakatira sa isang simpleng bahay. What the! Ipinilig ko ang sariling ulo sa isiping i
