UMANGAT ang kanang kamay ni Zi para damhin ang pisngi ni Karizza. Ang mga mata nitong nakatitig sa kaniya ay para bang tinutunaw maging ang kaluluwa niya.
Paano at saan nga kaya siya nito unang nakita?
Ang puso ni Karizza ay nananabik ng malaman kung saan at paano.
“Bakit hindi ka pa magkuwento?” medyo demand na ni Karizza dahil ang asawa niya ay walang ibang ginawa kung ‘di ang pakatitigan lang siya.
May ngiti pa rin sa labi ni Zi nang muli itong magsalita. “Parang kailan lang kasi. But it was already nine years ago, and here you are, you are my wife now.”
Pinigil ni Karizza iyong emosyon na gustong kumuwala ng mga sandaling iyon. Ikinurap-kurap din niya ang kaniyang mga mata. Iyong saya kasi na mababakas niya sa kaniyang asawa, priceless.
“Masaya ka ba na… na ako ‘yong naging asawa
