MATAPOS kumain ay sinamahan pa si Karizza ni Nana Regina, ang mayordoma sa mansiyon, sa kaniyang paglilibot sa buong mansion para masanay siya roon at maging pamilyar sa mga pasikot-sikot doon.
Napakalawak niyon. Tapos, si Zi lamang ang nakatira doon. Ang mga kasambahay kasi ay may bukod na servants’ quarters na siyang tinutuluyan ng mga iyon.
At kung wala pa si Zi at palaging nasa trabaho, lalo ng walang tao sa mansiyon bukod sa mga kasambahay na gumagawa ng mga gawaing bahay.
At ngayon naman na naroon na siya, medyo naiiba naman siguro ang atmosphere sa loob ng mansiyon dahil mayroon ng ibang tao. Sana lang, maging maayos ang kaniyang pananatili sa lugar na iyon.
Sa lahat ng parte ng mansiyon, may isang lugar na hindi siya hinayaan ni Nana Regina na puntahan.
Iyon ay ang isang pabab
