Seraphine Rose
“Mr. Watanabe! How are you!?”
Kinalma ko ang sarili ko habang pinapanood ko ang daddy Winston ko na sobrang saya habang binabati si Mr. Watanabe na kararating lang kasama ang tatlo niyang bodyguard dito sa loob ng private room
Parang gusto kong tumakbo palayo habang nakatingin kay Mr. Watanabe. Matanda na siya at mahahalata na may edad na siya dahil sa manipis niyang buhok na puro kulay puti. May kalakihan din ang tiyan niya at hindi ko na nagustuhan ang amoy ng kwarto pagpasok pa lang niya.
Si Mr. Hofs kapag kasama ko sa isang lugar lahat ng bagay nagiging mabango dahil sa kanya. Malinis siya sa katawan at… Seraphine! Bakit ba iniisip ko na naman siya?!
“Huy!” pabulong na ani sa akin ni Angelina at siniko pa ko. “Tumayo ka! Batiin mo!”
Napabuga ako ng hangin at ngay
