MAAGA pa ding nagising si Dana kahit na napuyat siya kagabi. Mukhang namamahay siya dahil ala una na ng madaling araw siya nakatulog. Kahit na kasi anong gawin niya ay hindi pa din siya makatulog, halos pabaling-baling lang siya ng higa sa malaking kama.
Sanay na din naman si Dana na mapuyat at gumising ng maaga dahil sa klase ng trabaho niya kaya parang wala sa kanya na magising ng maaga kahit na puyat.
Hindi din umuwi si Franco sa mansion kagabi. Hindi naman niya alam kung saan ito natulog, gusto sana niya itong tawagan kagabi para sabihin kung nasaan ito pero pinigilan niya ang sarili. Baka mamaya ay mag-isip pa ito nang iba kapag tinawagan niya ang lalaki kapag tinanong niya iyon. Ayaw naman niya na isipin nito na clingy wife siya kasi tinatawagn niya ito.
Well, mabuti na lang di
