Dinalhan niya ako ng hapunan, hindi niya ako hinayaan na bumangon o kumilos man lang, gusto niya hayaan ko lang siyang pagsilbihan ako.
Sinubukan niya ako subuan pero hindi ko ibinuka ang bibig ko. 'Di ako makaramdaman ng gutom, at higit sa lahat ayaw ko sa presensya niya, ayaw ko siya rito.
"Eat," utos niya at muli niya akong sinubukang subuan pero hindi ko pa rin ibinuka ang bibig ko kaya ibinalik niya na lang ang kubyertos sa plato at pinakatitigan ako.
"What do you want? Ayaw mo ba nitong pagkain? Anong gusto mong kainin? Let me cook it for you," pasensyoso niyang tanong na alam ko naman pinipilit niya lang na habaan ng pasensya at h'wag magalit.
Umiling ako. "Wala akong gustong kainin... at sabihin ko man sa iyo ang talagang gusto ko, hindi ka papayag," malungkot kong sagot.
Bumu
