Nagising akong masakit ang katawan ganoon din ang aking ulo, pagmulat ko umiikot ang paningin ko kaya muli akong pumikit.
Nasapo ko ang ulo ko. Napagtanto kong nagising pa pala ako matapos kong tuluyan mawalan ng malay at ulirat sa paligid.
"Baby..."
Nang marinig ko ang boses ni Theo napamulagat ako at napabalikwas kaagad ng bangon kasabay nang pag-atras sa pinakadulo ng head rest ng kama.
Ang pagkahilong nararamdaman ko biglang naglaho at bumangon muli ang takot sa buong sistema ko.
Nahihintakutan ko siyang tiningnan at manumbalik ang mga ginawa niya sa akin. Napayuko ako at niyakap ang comforter na nakabalot sa akin. Dumistansya ako sa kanya upang hindi niya ako mahawakan.
Napansin kong iba na rin ang suot ko, siya na rin ang naglinis sa aking katawan at nagpalit ng aking damit
