Valentina
NAKARATING kami ng Manila. Mabilis lang din naman ang byahe namin.
Bumaba kami sa tuktok ng isang mataas na building na hindi ko sigurado kung pagmamay-ari ba ng Bratva.
Hindi naman ito ang unang pagkakataon na nakapunta ako ng Manila. Isinama na rin ako ni Papa rito noon at namalagi rin kami ng ilang buwan bago kami magpunta ng Puerto Rivas dahil narinig nina Papa na nagbabalak si Vladimir na mag-stay roon.
Kung nasaan si Vladimir, naandoon din ang mga taong gustong makuha ang loob niya, isa na roon si Papa.
“Sa Bratva ba ito?”
Kapansin-pansin ang taas nito dahil natatanaw ko ang ibang building na nagmistulang maliit sa taas ng building kung nasaan kami.
“Nope,” sabi ni Vladimir. “The Bratva’s legal front building in Manila is under renovation kaya hindi tayo pwedeng lum
