Valentina
“HAY NAKO kang bata ka! Aatakihin ako sa puso dahil sa pag-aalala ko sa ‘yo kagabi,” sabi ni Nanay Mabel sa akin nang makauwi ako.
Hinatid ako ni Vladimir pero sa labas lang ng subdivision ako nagpababa dahil ayokong may makakita sa amin at malaman ni Papa na nagkikita kami.
Hindi ako sigurado sa maaari niyang maging reaksyon kung malaman, but knowing how greedy my father is, ayokong gamitin niya si Vladimir at ang nararamdaman ko kay Vladimir para sa sarili niya. Ayokong maipit si Vladimir sa isang sitwasyon na hindi niya gusto.
“Sorry na,” sabi ko sa kanya. “Nagpaalam naman ako na kasama ko si Ayla.”
“Oo nga,” sabi ni Nanay Mabel. Para ko talaga siyang ina. Wala kasi ang mama ko at simula nang makilala ko si Nanay Mabel ay siya na itong tumayo bilang aking ina. “Pero hindi
