Vladimir
HINDI ko alam kung anong gagawin ko nang makita ko siya. Sa sobrang dami kong gustong sabihin, walang kahit anong lumabas na salita mula sa akin.
Humakbang ako papalapit sa kanya pero umatras si Valentina. Agad niyang inalis ang kahit anong bakas ng emosyon sa mukha niya.
“Valentina…” Lumapit ako sa kanya at humaplos ang aking kamay sa kanyang kamay.
Gusto kong ulit-uliting tawagin ang kanyang pangalan. Pakiramdam ko ay nananaginip ako dahil madalas sa panaginip ko, nakikita ko na si Valentina at kasama ko siya.
Kumunot ang noo niya at bago pa ako muling makapagsalita ay tinalikuran niya na ako at umalis siya. Tinangka ko siyang habulin subalit hindi ko na siya nakita.
Hinanap ko siya, ngunit para bang namalikmata lang ako kanina. Kung hindi ko lang nararamdaman ang init ng
