THIRD PERSON POINT OF VIEW
"Anong nangyari dito?" Galit na tanong ni Don Menandro matapos makitang nakahandusay sa sahig si Andres, walang malay-tao at duguan ang labi.
"Ikaw ba ang magulang ng lapastangan na batang 'yan?" Tanong ng ina ni Andy.
"Hindi pero ako ang tumatayong guardian niya, Alam niyo ba na may kaukulang parusa sa batas ang ginawa niyong pambubugbog sa kanya?" Nagtatangis ang bagang ni Don Menandro.
Ilang beses niya pa bang masasaksihan ang ganitong kalunos-lunos na sinasapit ni Andres?
Ngumisi lamang ang ina ni Andy saka lumapit kay Don Menandro. Nanlilisik ang mga mata niya.
"Pwes, alam mo rin ba na may kaukulang parusa ang pagtatangka ng alaga mong gahasain ang kaisa-isang anak ko, ha?" sigaw nito sa mukha ng Don.
Halata ang pagkabigla sa mukha ni Don Menandro per
