Gabi na ng makauwi si Rosana sa kanilang bahay. Binigyan niya na lamang ng pambiling lutong ulam si Roldan upang makakain na sila ng hapunan at pagkatapos ay maasikaso at mapatulog niya na ang dalawa nilang nakababatang kapatid.
May usapan pa sila ni Andres na muling magkikita ng gabing iyon sa dati nilang tagpuan. Baka doon na rin siya magpalipas ng gabi at uuwi na lang ng maaga kinabukasan. Ng sa gayon, matupad nila ang matagal na nilang pangarap ni Andres- ang masilayan ang pagsikat ng araw habang magkayakap silang dalawa.
Habang naglilinis ng katawan sa labas ng kanilang bahay ay may nakitang ilaw si Rosana na nanggagaling sa tubuhan. Nagtataka man dahil sa ibang dereksyon galing ang liwanag ay inakala niya paring si Andres iyon kaya kampante siyang naghintay sa labas ng kanilang bah
