"Nakamotor ka pala Sir Brent?" tanong niya.
"Oo para mas mabilis. Teka bakit pala hindi ka sumama kay Kuya kanina, kala ko ba kasabay ka nya?" tanong nito, sabay abot sa kanya ng helmet.
"Ah, m-medyo sumama po kasi ang pakiramdam ko." pagsisinungaling niya tsaka sumakay na siya sa motor.
"Sigurado ka bang okey ka na? Baka masama pa ang iyong pakiramdam, dito nalang tayo sa mansyon sasamahan nalang kita. Tsaka bakit tila yata umiyak ka? Namamaga iyang mata mo oh, may ginawa ba sayo si Kuya kanina? Sabihin mo sakin para mapagsabihan ko sya, hindi iyong alila ka na nga niya palagi ka pang nasasabihan," ani nito.
"Naku hindi po Sir, wala po ito. Naiyak lang po ako kanina dahil sobrang kati po talaga ng balat ko pero nawala naman na po ei, diba nga po uminom na ako ng gamot tsaka po wal
