Puting dingding, katamtamang laki na hallway, hindi masyadong mataong office, at may dalawang boses ng batang natutuwa sa paglalaro ang narinig at nasaksihan ni Trevor. Sa tingin ng binata ay kapwa wala pa sa limang taong gulang ang mga ito. He was sure he was not in a nursery. Definitely not. Kitang-kita niya ang pamilyar na mga desk sa opisina kung saan nagtatrabaho ang matalik na kaibigan. May mga nakapatong na calculator, ilang printed papers, dalawang flat monitors, at kung anu-ano pa.
“Sarita? Si… Drew?” tanong niya sa isang babaeng nakatungo at mukhang busy sa ginagawa nito sa desk nito. Napatingin din siya sa paligid pero mukhang ito lang ang kasama ng dalawang batang naglalaro ng computer at ang janitor na busy sa ginagawang trabahong pagmo-mop ng sahig.
“Ay, Trevor. Nandito ka
