UMALINGAWNGAW sa paligid ang mga maliliit na huni ng kung ano na sinabayan pa ng paglakas ng ihip ng hangin. Dahil nga rito ay mabilis na nahinto ang masayang kwentuhan nina Lisa sa mga kapwa niya non-gamers. Sina Laxus at Herald naman ay napahugot ng espada at si Wind naman ay mabilis na kumuha ng isang palaso at pasimpleng tumingin sa kanyang likuran.
“Ihanda ninyo ang mga weapons ninyo… Mga healers, mas maging handa kayo sa pag-heal sa amin,” bulalas ni Laxus at si Lisa ay napatakbo nga palapit sa kanya. Ang mga huni at tunog sa paligid ay palakas nang palakas at kasunod nga noon ay ang pag-ihip ng napakalakas na hangin na naging dahilan upang ang baga ng inapuyan niyang mga kahoy ay maglaho. Doon na nga napatili ang mga babaeng non-gamers at sina Laxus naman ay napahanda lalo. Mabuti
