ANG IKALAWANG araw ni Laxus sa game ay dumating na at pagmulat ng kanyang mata ay sa energy bar niya kaagad siya tumingin. Napatayo siya nang makitang sampung oras ang nakalagay roon. Paglingon niya sa paligid ay nakita niya ang mga kasamahan niya na kanya-kanya ng pagtatabi at pagkukwentuhan. Mula sa likuran niya ay may kumulbit sa kanya at pagtingin niya rito ay si Lisa ito na nakangiti sa kanya.
“Problema mo?” ani Laxus na kaagad na ikinasama ng tingin ni Lisa.
“Wala! Bakit ang sungit mo na kaagad?” ani ng dalaga kaso si Laxus ay wala na pala sa kanyang harapan na ikinainis niya lalo. Napakuyom siya ng kamao at pinilit na magtimpi sa kasupladuhan na naman nito sa kanya.
“Nakakainis ka talaga Saint!” sabi na lang niya sa sarili at bumuntong-hininga na lang siya habang nakatingin sa bi
