SA ISANG malawak na damuhan sa labas ng Frontera Village ay makikita ang umpukan ng mga players na lumikha ng isang malawak na bilog, kung saan ay makikitang may dalawang player ang naroon sa kasalukuyan. Matapos nga ang mainit na tagpo sa Mission House ay heto si Laxus, at ang 3rd Guild Leader ng Terra Force na naghahanda na sa pagsisimula ng isang duel. Ang mga players na hindi kilala ang manlalarong may dilaw na buhok ay hindi makapaniwalang may hahamon sa isang leader ng TF Guild. Bilang tanging guild na narito ay wala sa kanilang nagbabalak na labanan ang mga ito sapagkat isa lang naman ang mangyayari sa kanila sa loob ng game na ito. Gulo, at baka ikamatay pa nila ang paglaban sa mga ito.
“Alam ko bagong player lang dito sa Terra iyan, ngayon ko lang sila nakita rito,” wika ng isa s
