MABILIS na nagsindi ng yosi si Laxus matapos ang laban nila ng player na may pangalang Gira. Gaya ng kanyang inaasahan, tinalo niya ito gamit ang kanyang pinakamalakas na ability. Sa pagbuga niya ng usok sa hangin ay siya ring paglapit sa kanya ng mga nakangiting mga kasama niya. Nakarinig siya ng mga papuri mula sa mga ito at nabibingi na naman siya sa kaingayan ng mga ito kaya, pasuplado siyang lumayo mula sa mga ito. Inatake na naman siya ng kasupladuhan na ikinangiti naman ni Lisa dahil nawala ang pag-aalala nito dahil nanalo ang binata.
“Akala ko lalabas lahat ng AIs na tinalo mo boss, pero bakit lima lang sila?” sabi ni Herald na mabilis na sumabay kay Laxus.
“Mga Demon’s AI, sila ang lumabas noong nagka-eclipse. Ibig-sabihin, nakatalo ka pala ng apat… Ano pa nga ba ang aasahan nam
