KINABUKASAN, pagkagising nila ay napalaban kaagad sila sa mga Ghouls na bigla na lang lumitaw at pinaligiran sila. Ito ang gumising sa kanila, nang ang isa ay napasigaw dahil kinagat ito ng isa sa mga nakakatakot ang itsura na AIs na mga iyon.
Madilim pa nga ang umagang iyon at tila isa itong pambungad sa isang panibagong araw para sa kanila. Tinalo nina Laxus ang mga ito sa loob ng ilang minuto at wala man lang kahirap-hirap sa kanila ang gawin iyon ngayon.
“Malalakas na nga talaga kayo,” ani Laxus matapos ibalik sa tagiliran niya ang kanyang espada na hindi pa rin nagle-level 10. Medyo matatagalan pa raw yata na mapupuno ang EXP nito base sa kanyang obserbasyon.
“S’yempre boss, ang pangit naman yatang back-up kung mahihina kami,” ani naman ni Herald na pasimple pang inayos ang kanyang
