SA MULING pagtingin ni Laxus sa kanyang kalaban ay dito na siya napangisi. Bumalik na sa dati ang lahat at ito ay dahil sa nakita niya sa weakness ng God’s Ability nito. Ang maging kalmado. Mahigpit niyang hinawakan ang kanyang Night Sword habang ang kanya namang kalaban ay walang kaalam-alam na wala na palang epekto sa kanya ang ability nito.
“May itsura rin ang babaeng iyon, at magandang maging alaga ko siya kapag nasa Domain City na ako,” natatawa pang winika ng kalaban at napaseryoso siya nang lumitaw sa harapan niya ang player na may dilaw na buhok.
Isang mabilis na paghiga sa hangin ang ginawa niya na kanyang sinabayan ng paghigpit sa hawak niyang spear. Dito nga ay nagliwanag na rin ang Diamond Blade nito sa dulo at nag-cast na siya ng weapon skill, at nang makabuwelo na siya ay d
