PAGMULAT ni Laxus sa kanyang mata ay nakaramdam siya na parang may kung anong bagay ang nakapatong sa kanya. Ang isang braso nga ito ni Lisa at tulog ito habang nakadantay pa sa kanya ang isang hita. Napa-iling nga siya dahil doon at agad na inilayo ang dalaga na wari niya ay hindi pa magigising. Mabilis na nga siyang tumayo at pasimpleng napatingin sa natutulog na dalaga.
Bumuntong-hininga na lamang siya matapos iyon at pumunta sa may bintana upang ito ay buksan. Unti-unti nang lumiliwanag ang paligid at tumingin siya sa labas, sa ibaba, at nakita niyang may mga ilan nang naglalakad na mga players doon. Bukas na rin ang mga ilaw sa bawat bahay dito na sa pagkakaalam niya ay hindi naman talaga natutulog ang mga NPC, base sa sabi nina Sai sa kanya.
“Kailangan ko uli ng missions mamaya,” s
