BUKAS gaganapin ang public execution ng Terra Force Guild base sa nabasa ni Laxus, at hindi siya natuwa roon. Ngayon nga ay mabilis niyang tinapos ang unang mission na nakuha nila ni Lisa. Ang dalaga nga ay parang hindi magawang magsalita ngayon dahil iba raw ang dating ng binata matapos malaman ang mangyayaring iyon. Naaalala ni Lisa ang player na si Nel, ito ay ang tumulong sa kanila kahapon. Ramdam niyang mabait ito at kung papatayin na ito bukas sa game ay mawawala na ito rito sa area kung nasaan sila.
Seryoso na nga lang siyang napatingin kay Laxus na parang may gigil sa pagpaslang sa mga AIs na nakasalubong nila pabalik sa Frontera Village. “Ililigtas mo ba sila?” Hindi na nga niya napigilang magsalita at umihip ang hangin sa paligid matapos iyon.
“Wala akong balak iligtas ang mga
