NAPASUNTOK na lang sa lupa si Adella matapos siyang i-heal ng isa sa mga kasamahan niya. Napagtanto nga niyang wala silang laban sa manlalarong may dilaw na buhok na kanilang in-ambush. Ito nga ang naging dahilan upang lisanin na nila ang Narik Forest nang may inis sa nangyari.
“Hindi natin kaya ang player na iyon. Kaya pala may hangin ang pagsasalita sa atin,” sabi ng isang kasama ni Adella na naalala ang paghampas nang malakas sa kanila ng tatlong dambuhalang AI kanina.
“Paano siya nagkaroon ng God’s Ability? Isa rin nga kaya siyang taga-Tengoku?” seryosong tanong ni Adella sa kanyang sarili na malinaw pa rin sa alaala niya ang mga ginawa ng manlalarong iyon na may dilaw na buhok sa kanya.
“Mukhang kailangan na nating ipaalam ito Adella kay Captain Cratos para maturuan ng leksyong ang
