NAISIPAN nilang maghiwa-hiwalay sa mga missions nila na makukuha. Ang mangyayari kasi ay magkakahati-hati sila sa makukuha nilang rewards, at kung 1 Bitcoin ang reward at lima sila ay 1/5 lang ang makukuha nila bilang kabahagi mula roon.
“Ang iniisip ko nga lang ay baka balikan tayo ng grupo ng Terra Force Guild,” sabi ni Grego na nag-aalala sa gagawin nilang hatian. Medyo nagpaka-greedy na rin nga muli si Laxus at gusto niya ay si Lisa lang ang kanyang makakasama.
“Isang healer lang ang kailangan ko at dahil kailangan kong maging malakas, mas magandang isa lang ang kasama ko sa mga missions na kukunin ko. Naisip kong sa loob ng isang linggo rito sa Frontera ay puro pagkuha muna ng mga ipapagawa nila ang gawin natin bago tayo mag-isip ng bagong plano,” sabi nga ni Laxus sa mga kasama niy
