10 minutes.
SERYOSONG pinagmasdan ni Laxus ang apat na halimaw na lumitaw sa paligid kung nasaan sila. Walang mga sandatang hawak ang mga ito at mukhang pisikal na atake ang gagawin ng mga ito laban sa kanila. Napatingin nga siya kay Lisa at hindi niya ito pwedeng palayuin sa kanya dahil napakadelikado lalo’t dadalawa lang sila ngayon. Hindi niya inasahan na mangyayari ito at kung alam lang niya ay nagsama pa sana siya ng isa pa. Nakita na rin nga niyang nagsimula nang gumalaw ang mga Demon AIs at doon na nga kumuyom ang kamao ng isa sa mga ito. Tumitig ito sa kanila at bigla silang sinuntok nito na ikinatakbo nilang dalawa palayo.
“Takbo!” bulalas ni Laxus at si Lisa ay napasigaw na lang dahil doon. Nang tumama ang kamao ng isang iyon sa lupa ay nayanig nang bahagya ang paligid at kumaw
