KINABUKASAN, nang magising si Laxus ay sa bintana ng kwarto nila ni Lisa siya kaagad nagpunta para sumilip sa labas. Natatawa na nga lang siya sa kanyang isip dahil parang ganito rin ang ginagawa niya sa Frontera Village, kung saan ay bigla na lang may aatake sa kanya mula sa kung saan.
Pero walang ganitong nangyari sa kanya nang umagang iyon. Nakita nga niya sa ibaba sina Herald na parang mga baliw na tumatakbo mula sa dulo at babalik sa pinanggalingan. Baka raw naninibago ang mga ito sa bago nilang biling mga sapatos. Pinagmasdan din niya ang kalangitan at lumiliwanag na naman. Napatingin nga siya sa madilim na bahagi sa harapan ng village. Nakita niya roon ang makapal na hamog at fog na nakaharang sa kabilang area mula rito. Nagliliwanag pa nga ang mga ito dahil sa pagkayap ng mga kidl
