SERYOSONG nakatingin si Jared sa kanyang kalaban at hindi siya makapaniwala na magagawa nitong sabayan ang kanyang mabilis na pagkilos kanina. Kung ibang player ito ay baka napatay na niya ito, pero iba ang nangyari at nagawa pa siyang madepensahan nito na hindi niya paniwalaan.
“Imposibleng masabayan niya ang God’s Ability ko,” sabi nito sa sarili na makikita ngang may parang maliit na hangin na lumalabas sa kanyang paa. Ultra Movement Speed, ito ang kanyang special ability at dahil dito kaya hindi siya magawang sabayan ng ibang mga players na nakakaharap niya. Ang mas ikinagulat pa niya ay nang mapatingin siya sa espada ng isang ito.
“L-level 10? I-imposible…”
“Jared Greex,” nakangisi namang winika ni Laxus nang mabasa niya ang IGN ng player na bigla na lang sumugod sa kanya. Napating
