NAGPATULOY sa pagsunod sina Laxus at Lisa sa lalaking kamukhain ng isang karakter sa isang palabas sa TV. Ang mga sinabi nito sa kanila kanina ang tumatakbo sa isip ng binata at parang nagkaroon na naman siya ng mga hinuha sa kung ano ba ang nangyayari sa game na ito.
“Pwedeng ang beta testing ay paulit-ulit na ginagawa nila para malaman kung ang game ay magsa-success talaga… Pwede nga talaga iyon, pwede ring may timeline sila sa pagpapapasok ng mga beta testers at kung may mga nauna na sa amin dito… Posibleng may mga iba pa talagang players dito bukod sa amin,” sabi sa sarili ni Laxus at makalipas ang ilang minuto ay nasa tapat na sila ng isang mataas na puno na makikitang may bahay sa itaas na gawa sa pinagtagpi-tagping kahoy. Maging ang bubong nga nito ay kahoy rin at pagtingin nila sa
