TUMAMBAD sa harapan ni Laxus ang isang AI na bigla na lang bumagsak. May spear na nakabaon sa noo nito at makikita rin sa mukha nito ang napakaraming pulang guhit na tila gawa ng isang matalas na weapon. Unti-unting naubos ang HP nito at kasunod noon ay ang pagsabog nito hanggang sa maging alikabok na lamang na pinayid ng hangin palayo.
Nakangising inilagay ni Herald ang kanyang espada sa tagiliran habang si Wind naman ay kinuha ang spear na ginamit nito na nahulog at bumaon sa lupa. Si Laxus ay napatitig na lang sa dalawa dahil tama ang ginawa ng mga ito para mapabagsak ang kalaban. Ang weak part nito ang kanilang pinutirya kaya mabilis nila itong napabagsak.
“Ayos ba boss?” nakangiting tanong ni Herald nang makita ang pagdating nina Laxus. Si Wind naman ay napaseryoso nang makitang may
