Parang nabingi si Hansel sa narinig sa among sundalo, kahit pa pabulong lamang ang sagot na iyon ng Komandante, kapalit nga ng hindi naman niya sinasadyang maistorbo ang masarap na pagtulog nito.
"Si-sir!" mahinang bulalas ni Hansel na 'di pa rin makapaniwala sa narinig nito.
"Bakit Hans? Hindi ba kaya nga nasa ganitong sitwasyon tayo ngayon ay dahil may gusto kang gawin sa katawan ko?" pilyong bulong ng Komandante sa tenga ng binata.
Hindi man niya nakikita ang mukha ng among sundalo, sigurado si Hansel na nakapaskil ang ngisi sa mukha ngayon ng Komandate.
"Pe-pero sir mali ang iniisip ninyo." simulang paliwanag ni Hansel na nanatili pa ring nakadagan sa among sundalo.
"Sige Hans, bibigyan kita ng pagkakataon, paanong nangyari na nakapatong ka ngayon sa akin?" mahinang saad ni Erick
