“Kamusta ang date niyo ni Miss International, Chay Celestial?” narinig ko naman na tanong ni Zane kay Francis.
Narito kami ngayon sa bahay ni Deyl. Nagkayayaan ng inuman at overnight ngayong gabi dito sa bahay niya. Sumama ako dahil alam ko na pag-uusapan nila ang date na nangyari kanina. Biglaan lang din ‘to dahil kanina lang naman nagyaya si Deyl. Ayokong mahuli sa mga usapan nila, kaya sumama na ako.
Linggo rin naman bukas, kaya ayos lang na mag-inuman kami ngayon. Ngayon na lang naman kami muling nakapag-bonding ng ganito. Hindi naman sa galit ako kay Francis. Wala naman akong karapatan na magalit dahil wala kaming relasyon ni Chay. Tapos dine-deny ko pa sa kanila na hinding-hindi ako magkakagusto kay Chay. Pero heto ako ngayon at gustong makipag-kumpetensya kay Francis. Kung sino ma
