"P're, bakit pakiramdam ko may gusto ka naman na talaga kay Jeneive. Pero ayaw mo lang patulan dahil sa pustahan natin? Natatakot ka ba na kainin mo ang mga sinabi mo sa amin?" sambit sa akin ni Deyl. Narito na kami ngayon at kumakain sa cafeteria. Sakto naman na kasabay namin sa break time ngayon sina Francis at Razen.
"Bakit? Ano na naman ang napansin niyo sa kaniya? May bago ba ulit issue na hindi namin alam ni Razen?" usisa naman agad ni Francis. Hindi ko sila pinigilan pa. Dahil alam ko naman na ikekwento nila na nakita nila sa klase kanina si Jeneive sa video ko. Hindi nga ako nagkakamali dahil 'yon na nga ang ikinwento nina Deyl at Zane.
"Woah! Is that true? Isinama ni Vaughn si Jeneive sa pagpe-painting niya? Sa pagkakakilala natin sa kaniya ay gusto niya lang na tahimik habang
