Pagdating ng mansiyon ay dumeretso ako agad sa silid na aking inuukopa. Hindi ko alintana ang mga maid na hindi naman nagulat sa aking biglaang pagdating na hindi kasama si Iracebeth. Batid kong nakita nila ako kanina habang paalis kami ng mansiyon ng babae. Malamang, iisipin nila na kasama ko rin ito pagbalik ko dito. Pagpasok ko pa lang ng pintuan ay dama ko na ang kakaibang ipinupukol na mga tingin sa akin ng mga kasambahay. Puno ng katanungan ang mga mata ng ilan sa kanila na aking nasulyapan. Siguro ay nagagalit sila dahil halos wala na akong nagawa sa first day ng aking trabaho sa mansion.
Kasunod ko si Penny at Dylan bitbit ang hindi ko mabilang na mga paperbags ng aming pinamiling damit ni Iracebeth. Nakita ko kung paano gapangan na ng inggit ang mga mata ng bawat isa. Ganunpaman
