THIRD PERSON POV
Malakas na ibinalibag ni Leon ang pintuan ng kanyang opisina pagkapasok na pagkapasok niya pa lang. Nagbigay iyon ng malakas na ingay na hindi na bago sa kanyang mga tauhan at maging kay Iracebeth. Iyon na talaga ang ugaling mayroon si Leon. Taas at baba ang kanyang dibdib na para bang naghahabol siya ng sariling hininga. Bagsak din ang kanyang dalawang balikat. Doon pa lang ay malalaman ang matinding galit na nakabalot sa kanyang katauhan ngayon. Sa halip na humupa na iyon at mawala ay lalo pa itong nagliyab hanggang sa tuluyang maging malaking siga ng apoy na walang sinong makakaapula.
“Make sure na hahalukayin niyo ang pinakapuno at dulo ng pangyayaring ito!” desididong utos pa nitong salit-salitang nakatingin sa mga tauhan niya, “Kung kinakailangan ay kalkalin niyo
